VOV4.Êđê -  Knơ̆ng bruă lŏ hma leh anăn mđĭ kyar krĭng ƀuôn sang Lâm Đồng mrâo bi mklă đru êbeh 1 êklai 3 êtuh êklăk prăk kơ 64 anôk bruă mkra mjing gŏ sang, mnuih, êpul mkra mjing dŭm mta boh mnga lŏ hma, kan hdang hluê hdră mkra mjing bruă lŏ hma jăk mơ̆ng Phŭn bruă lŏ hma leh anăn mđĭ kyar krĭng ƀuôn sang kčah mtrŭn (vietGAP). Hlăm anăn, mâo dŭm ênoh bi liê ksiêm dlăng, bi mklă, mkăp hră čuăn VietGap tal êlâo, ksiêm dlăng mta lăn, êa, boh mnga, mưn êpul bruă bi hriăm hdră mnêč, bi hriăm phung knuă druh kriê dlăng, phung mă bruă ti anôk bruă hluê ngă hdră VietGAP. Êngao anăn, Knơ̆ng bruă lŏ hma leh anăn Mđĭ kyar krĭng ƀuôn sang Lâm Đồng lŏ dơ̆ng bi liê êbeh 20 êklăk prăk pioh ksiêm dlăng, bi mklă hdră hruê ngă hnơ̆ng čuăn VietGAP. 

Y Khem pô mblang