VOV4.Êđê- leh sa wưng trŭn ênoh, ênoh čhĭ hruh eh hluăt pioh ngă mrai hlăm čar Lâm Đồng lŏ dơ̆ng yuôm, phung ngă lŏ hma pla ana rông hluăt mrai hlăk mâo klei mơak, hơĭt ai tiê hlăm klei mă bruă. knhal jih thŭn 2020, ênoh čhĭ hruh hluăt hlăm čar Lâm Đồng mơ̆ng 110 truh 120 êbâo prăk/kg, ƀiădah ară anei truh leh 180 êbâo prăk/kg.

Mâo dŭm anôk êwei mrai eh hluăt, anôk čhĭ mrai eh hluăt kơ ala tač êngao hlăm čar brei thâo: Mâo hĕ klei hruh eh hluăt lŏ dơ̆ng yuôm kyua anôk bi mnia mblei bruă anei hlăk bluh đĭ bruă knuă. Mâo leh dŭm ala čar lŏ dơ̆ng pŏk ƀăng, pŏk mlar bruă pla ana rông hluăt mrai, mtrŭt mđĭ bruă duh mkra gŏ sang. Hlăm čar lâm Đồng ară anei mâo hlăm brô 15 êbâo gŏ sang pla ana rông hluăt mrai, truh jih jang êbeh 8 êbâo 700 ha ana rông hluăt mrai, truh 70% ênhă pla hlăm kluôm ala./.

Pô mblang: Y-Khem Niê