VOV4.Êđê-  Knơ̆ng bruă lŏ hma čar Lâm Đồng brei thâo hlăk mâo hdră mđĭ kyar bruă lŏ hma pla mjing doh wưng thŭn 2020 – 2025 hŏng klei kñăm mđĭ kyar dŭm ênhă pla mjing doh hlăm brô 1.600ha. Lâm Đồng ară anei jing alŭ wăl ba akŏ hlăm kluôm ala kơ klei pla mjing ba yua kdrăp mrâo mrang, lehanăn mđĭ kyar bruă lŏ hma thâo mĭn. Hlăm anăn, bruă pla mjing hŏng kdrăp mrâo mrang mâo leh giăm 62 êbâo ha. Klei pla mjing hŏng kdrăp mthâo mĭn mâo hlăm brô 50ha, jing bruă pla mjing hŏng êa hbâo, lehanăn 195 ha ba yua hdră pla mjing thâo tĭng mkă hnơ̆ng h’uh, hnơ̆ng h’ăp, kiă kriê êa hbâo mă pô. Bruă pla mjing ba yua kdrăp mrâo mrang hlăm čar mâo ênoh bi liê kah knar 180 êklăk prăk/ha/thŭn. Boh nik hŏng djam mtam snăn ênoh bi liê mơ̆ng 400 – 500 êklăk prăk/ha/thŭn, pla mjing mnga mơ̆ng 800 – 1 êklai 200 êklăk prăk/ha/thŭn./.

Pô mblang: Y-Khem Niê