VOV4.Êđê - Phŭn bruă lŏ hma mrâo mâo leh hră mtrŭn truh kơ knơ̆ng bruă sang čư̆ êa dŭm čar, ƀuôn prŏng hlăm gưl dlông kơ bruă mđĭ hĭn klei rông hdang kan, rông mnơ̆ng hlăm dŭm mlan knhal jih thŭn 2021. Hlăm 6 mlan akŏ thŭn anei, hnơ̆ng hdang kan mâo truh 4 êklai 100 êbâo tôn, đĭ 3% mkă hŏng wưng anei thŭn dih, mâo bi mnia mblei hŏng ala tač êngao truh 4 êklai 100 êklăk dolar, đĭ 13,6% mkă hŏng wưng anei thŭn dih. Hlăm dŭm mlan knhal jih thŭn anei, bruă rông hdang kan, rông mnơ̆ng lŏ dơ̆ng tuôm hŏng lu klei dleh dlan. Kčưm hlăm akŏ yan hjan angĭn êbŭ, adiê bi mlih nanao amâo mâo jăk, ênưih bluh đĭ klei ruă tưp, boh nik êjai dôk găn klei ruă tưp Covid 19m anăp ngă bi kruh jih bruă knuă hlăm klei rông mnơ̆ng lehanăn hdang kan. Phŭn bruă lŏ hma mtă kơ knơ̆ng bruă sang čư̆ êa dŭm čar, ƀuôn prŏng hlăm gưl dlông lŏ dơ̆ng kiă kriê bi kjăp bruă rông mnơ̆ng, klei mjut bi lar mjeh, bruă mkra mjing mnơ̆ng ƀơ̆ng kơ mnơ̆ng rông, lehanăn bruă bi mdoh wăl anôk rông mnơ̆ng, čiăng kơ bruă rông mnơ̆ng mâo klei mđĭ kyar djăp ênoh čuăn doh./.

Y Khem pô mblang