VOV4.Êđê- Ti anăp klei dleh dlan ba čhĭ boh mnga lŏ hma hlăm krĭng klei ruă Covid-19, mlan 6 thŭn anei, Phŭn bruă lŏ hma leh anăn mđĭ kyar krĭng ƀuôn sang srăng bi hgŭm hŏng Êpul hgŭm phung mniê gưl dlông Việt Nam, Êpul hgŭm phung êdam êra Cộng sản Hồ Chí Minh mkŏ mjing dŭm gru hmô ba čhĭ boh mnga lŏ hma kơ mnuih ƀuôn sang krĭng mâo klei ruă tưp rơ̆ng kơ hnơ̆ng jăk boh mnga lŏ hma leh anăn dưi gang mkhư klei ruă tưp. Dŭm gru hmô bi hgŭm ba čhĭ boh mnga lŏ hma dưi mkŏ mjing mơ̆ng Gưl dlông truh kơ dŭm alŭ wăl truh dŭm să, ƀuôn hgŭm. Hgŭm hlăm gru hmô mkŏ mnia blei lŏ mâo dŭm Êpul hgŭm bruă čhĭ mnia mnơ̆ng dhơ̆ng leh anăn phung čhĭ hliê mơ̆ng Việt Nam. Bruă lŏ hma srăng mkŏ mjing kdrăp kriê pioh ênoh mrô leh anăn srăng hâo hưn nanao kơ phung kăp ba čhĭ thâo ti čar dôk mprăp hrui êmiêt boh mnga lŏ hma leh anăn dŭm hnơ̆ng mâo. Dŭm kdrăp mbha anăn srăng pral mprăp kdrăp mnơ̆ng dŭ mdiăng, hjiê pioh, hdră msir rơ̆ng leh anăn bi klă klei kuôl kă hŏng phung mnia blei.

Pô mblang: H’Zawut Ƀuôn Yă