VOV4.Êđê- Hlăm wưng êgao, ênoh čhĭ tiu mâo klei bi êdah jăk hlăk mâo 70 êbâo prăk/kg lehanăn ăt krơ̆ng h’ĭt kjăp. Kyua anăn, lu ƀĭng ngă lŏ hma ti Gia Lai hlăk lehanăn dôk pla mrâo ana tiu. Khă snăn, mnuih ngă lŏ hma brei mâo klei mđing răng, đăm lŏ tui hluê êlan nao msĕ hđăp “Êjai mâo ênoh snăn duh bi liê lu, ba pla hlăm ênhă prŏng, truh tiu trŭn ênoh lĕ hlăm klei luič liê, kruh rai jih”. Hluê si klei tĭng mơ̆ng phung thơ̆ng kơ bruă pla ana tiu, truh kơ ară anei, bruă mđĭ kyar mrâo ênhă tiu ti čar Gia Lai jing djiŏ guôp. Kyua lu thŭn mdei hdră pla mjing tiu ti ênhă tiu djiê djŏ mnơ̆ng ngă čiăng ba pla ana ƀiă hruê hrui êmiêt,  lu ênhă lăn lŏ dưi mkra mđĭ, mnơ̆ng ngă hlăm lăn ăt hrŏ mơh. Mbĭt hŏng anăn, ênoh čhĭ tiu dôk h’ĭt ti wăl anôk mnia mblei mjing leh klei jăk găl kơ ƀĭng ngă lŏ hma. Khă snăn, mnuih ngă lŏ hma brei mđing hluê ngă dŭm klei mtă mơ̆ng anôk bruă djŏ tuôm čiăng đăm lŏ hluê ktuê êlan kruh rai msĕ si êlâo./.

                                                    Pô mblang: H’Nêč Êñuôl