VOV4.Êđê- Leh Kon Tum lehanăn Gia Lai, ti čar Dak Lak mrâo hmao ƀuh klei ruă bŏk ti klĭt êmô – kbao. Êmô tal êlâo mâo klei ruă bŏk ti klĭt dưi hmao ƀuh ti Dak Lak, jing mơ̆ng gŏ êsei Nguyễn Khắc Dự, alŭ 5, să Čuôr Knia, kdriêk Ƀuôn Đon. Hluê si klei ksiêm dlăng, hruê 3/6, Dự blei sa drei êmô mơ̆ng sa gŏ êsei ti să djiêu gah. Mmông blei, êmô anei amâo maoa klei bi êdah ruă ôh. Truh aguah hruê 4/6, ƀuh êmô anei hlơr, bi bŏk kdĭt ti klĭt. Lehkơnăn, anôk bruă mdrao mgŭn mnơ̆ng rông mă mta ksiêm mkă dlăng lehanăn mâo boh tŭ bi mklă ruă bŏk ti klĭt mnơ̆ng rông. Mĭt hŏng bruă ba čuh dơr êmô ruă, anôk bruă djŏ tuôm alŭ wăl krih leh êa drao mdjiê kman ti anôk mâo klei ruă. Knơ̆ng bruă rông mnơ̆ng lehanăn mdrao mgŭn mnơ̆ng rông čar Dak Lak maoa leh hră m’ar mtă kơ alŭ wăl anei mđĭ hdră ksiêm dlăng kñăm pral hmao ƀuh anôk bluh mâo klei ruă mơ̆ng anăn pral maoa hdră msir mghaih./.

Pô mblang: H’Nêč Êñuôl