VOV4.Jarai – Hơdor glăi 93 thun pơdŏng Khul hlăk ai rơnuk Hồ Chí Minh dêh čar ta, amăng lơ 26/3 hlăk ai tơring čar Kon Tum hmâo laih lu bruă mă tŭ yua.

VOV4.Jarai - Mơguah lơ 26/3, ƀơi sang bruă pơ ala mơnuih ƀôn sang, yŭ kơ tơlơi git gai mơ̆ng ơi Vương Đình Huệ, Khua git gai pơ ala mơnuih ƀôn sang dêh čar, Jơnum min apăn bruă pơ ala mơnuih ƀôn sang pơphun Jơnum khua mua gơgrong sa mơta bruă lok 5, rơwang bruă tal 15 či bơkơtuai kơ hơdôm tơlơi pơdah thâo pơ Khua mua pơ ala mơnuih ƀôn sang ƀơi mông jơnum lok 7, Khua pơ ala mơnuih ƀôn sang dêh čar tal 15.

VOV4.Jarai - Mơguah tom brơi (25/3), ƀơi plơi prong Gia Nghĩa, tơring čar Dak Nông, Khul ia jrao kyâo bơrơkal mriah Việt Nam pơphun Jơnum lăi pơthâo hơbô̆ bruă, boh thâo ngă Kơčăo bruă “Djru jar kmar ječ ameč djru pơsir hĭ tơlơi truh ia ling dăo thun 2023”.

VOV4.Jarai – Amăng mông jơnum tal 31 pơphun rơwang hrơi tơjuh rơgao, Jơnum min apăn bruă Khua pơ ala mơnuih ƀôn sang dêh čar ta gum pơhiăp kơ pơblang, tŭ mă, pơplih pơkra 2 hră čih pơkra Tơlơi phiăn anun lĕ: Hră čih pơkra Tơlơi phiăn hơđong, pơhlôm ƀơi jơlan nao rai hăng Tơlơi phiăn nao rai ƀơi jơlan. Jơnum min apăn bruă Khua pơ ala mơnuih ƀôn sang dêh čar ta tŭ ư jơlan gah pơkă kom bruă mơgăt rơdêh nao rai ƀơi jơlan lơm mơñum tơpai, măt tơpai.

VOV4.Jarai-Mơguah lơ 21/3, ƀơi tơring glông Čư̆ Mgar, tơring čar Dak Lak, Ding jum kông an ngă hrŏm hăng anom bruă ping gah, jơnum min mơnuih ƀôn sang tơring čar Dak Lak hăng Sang bruă djru prăk kăk pơphun jao hơbô̆ sang laih anun rơnoh prăk man pơdong 1.200 boh sang pioh brơi kơ sang anŏ ƀun rin tơnap tap aka ƀu hơmâo sang dŏ amăng tơring čar.

VOV4.Jarai - Tui hăng Gong phun pơtui jua pơhiăp dêh čar Việt Nam pôr, hơdôm rơbâo hektar phun pla ƀơi tơring glông Krông Nô, kual không phang kơsing pah kơtang hloh mơ̆ng Dak Nông glăk kơƀah ia pruih, amuñ không phang čơđang lŏn kơtang.

VOV4.Jarai-Mơguah tom brơi, lơ 19/3, ƀơi anom bruă kơnuk kơna, Kơ-iăng khua dêh čar ơi Trần Hồng Hà, Khua Khul gưl dêh čar kơ bruă Pơtô pơhrăm hăng pơđĭ kyar mơnuih mă bruă git gai jơnum mơ̆ng Khul brơi pơgôp hiăp kơ “Bruă mă pơđĭ kyar pơtô hrăm truh thun 2030, lăng nao pơ thun 2045”.

VOV4.Jarai - Amăng bơyan phang 2023-2024 ƀơi kual Dap Kơdư hơmâo lăi pơthâo hlâo amra không phang, kơƀah ia kơtang biă...Bruă kiăng yua apui lơtrik ngă hmua pla pơjing hăng yua amăng sang anŏ lu tui mơn, anom bruă apui lơtrik Dak Lăk hơmâo prăp lui lu hơdră amăng bruă wai lăng, ba yua apui đah mơ̆ng pơhlôm hơmâo djŏp apui yua.

VOV4.Jarai – Phrâo tom adih anai, gah yŭ tơlơi git gai mơ̆ng Khua pơ ala mơnuih ƀôn sang dêh čar ta ơi Vương Đình Huệ, Jơnum min apăn bruă Khua pơ ala mơnuih ƀôn sang dêh čar ta pơphun Jơnum đơ đam dêh čar tal 2 pok pơhai tơlơi phiăn, tơlơi pơtrun pơsit mơ̆ng Tal jơnum lok 6 hăng Tal jơnum ƀu hmâo pơkă hlâo lok 5, Khua pơ ala mơnuih ƀôn sang dêh čar ta tal 15. Amăng mông jơnum, Jơnum min apăn bruă Khua pơ ala mơnuih ƀôn sang rơkâo Gong gai dêh čar tañ čih pơkra, mă yua hră pơ-ar pơkă kơ 104 bôh yôm rơđah, pơtô brơi ngă tui Tơlơi phiăn lŏn drŏn (pơplih pơkra) pioh tañ ba hơdră bruă, tơlơi pơkă amăng hơdôm tơlơi phiăm mut amăng tơlơi hơdip mơda.

VOV4.Jarai – Čơtlăm tom brơi (15/3) ƀơi Ƀirô mă bruă Gong gai dêh čar, Kơ-iăng Khua dêh čar ta ơi Trần Hồng Hà git gai Jơnum pok pơhai bruă mă thun 2024 mơ̆ng Grŭp črâo ba lŏn ia mrô mơnuih ƀôn sang hăng pơđĭ kyar.