VOV4.Jarai - Lơ 22/8, ƀơi plơi prong Buôn Ma thuột, tơring čar Dak Lăk pơphun Jơnum klah čun Jơlan hơdră ngă hrŏm pơgang hăng ngă tơdu ƀiă tơlơi truh lŏn adai ngă gah bruă pơtô hăng pơjuăt rơwang thun 2018-2023.

VOV4.Jarai - Jơnum ƀing khua pơ ala gơgrong tui bruă jao amra pơphun ƀơi sang jơnum Diên Hồng, Ƀirô Khua pơ ala mơnuih ƀon sang dêh čar dong mơng lơ 28-30/8/2023.

VOV4.Jarai-Rơwang hrơi tơjuh rơgao, Jơnum min apăn bruă pơ ala mơnuih ƀôn sang dêh čar pơgôp hiăp kơ hră lăi pơthâo glăi bruă krăp lăng blung a akŏ bruă krăp lăng mơ̆ng Khua mua pơ ala mơnuih ƀôn sang kơ “Bruă pơphun ngă hơdôm tơlơi pơsit mơ̆ng ƀing khua pơ ala kơ Jơlan hơdră dêh čar akŏ pơdong plơi pla phrâo thun 2021-2025, pơhrŏ trun sang anŏ rin hơđong kơjăp 2021-2025, pơđĭ kyar bơwih ƀong huă - mơnuih mơnam kual mơnuih ƀôn sang djuai ƀiă hăng čư̆ siăng rơwang thun 2021-2030 hăng Tơlơi phiăn juă nua ngăn (pơplih pơkra).

VOV4.Jarai – Lơ 18/8, Kơ-iăng Khua mir sir dêh čar ta, yă Võ Thị Ánh Xuân hmâo tal nao mă bruă ƀơi tơring čar Bình Phước hăng lu bruă mă tŭ yua bơwih brơi mơnuih gah hơdră bruă gum djru.

VOV4.Jarai-Tlam lơ 17/8, hlâo kơ hrơi mut sang hră, anom bruă git gai ling tơhan wai pơgang guai tơring čar Dak Nông pơphun bưp ƀô̆ mơta, pơpŭ bơni ƀing čơđai ba gru amăng jơlan hơdră “Čung ba čơđai nao sang hră- Ană rông puih kơđông tơhan” hăng akŏ bruă “Ƀing apăn bruă, ling tơhan čung ba čơđai nao sang hră” thun hrăm 2022-2023.

VOV4.Jarai – Ƀơi anăp tơlơi pơhing giăm truh 3.000 čô čơđai hrăm giong anih 9 ƀơi Dak Lak ră anai akă hmâo sang hră hrăm, ngă čơđai sang hră hăng amĭ ama čơđai bơngot, khua tơring čar Dak Lak hmâo lăi glăi laih tơlơi tơña mơng VOV kơ jơlan gah pơsir tơlơi anai.

VOV4.Jarai – Hơdôm thun rơgao, să Dak Nia, plơi prong Gia Nghĩa,tơring čar Dak Nông, đing nao biă bruă pơlar mơnuih ping gah, biă ñu ping gah amăng kual neh wa djuai ania ƀiă. Rim mơnuih ping gah lĕ phun than ba jơlan hlâo ba hơdôm tơlơi pơtrun pơsit mơng Ping gah, Hơdră pơtrun mơng kơnuk kơna truh hăng mơnuih ƀôn sang; ngă gru ba jơlan hlâo amăng hơdôm bruă mă, djru să pơđĭ kyar kơtang gah bơwih ƀong mơnuih mơnam, pơdŏng truh kih jơlan hơdră plơi pla phrâo.

VOV4.Jarai - Jơnum bơkơtuai hăng mơnuih mă bruă thun 2023 pơhmutu kar hăng mông bưp mơnuih ƀon sang kơ hơdôm bruă yôm phăn. Hăng anăn “Pơgiong hơdră bruă, tơlơi phiăn bơdjơ̆ nao mơnuih mă bruă hăng khul grup mơnuih mă bruă mut phung”, jơnum anai lĕ hrơi mông kiăng hơdôm anom bruă mơng Ƀirô Khua pơ ala mơnuih ƀôn sang dêh čar, hơdôm anom bruă, khul grup bơdjơ̆ nao pơbưp, đing tơngia hmư̆ tơlơi rơkâo đĭ mơng mơnuih mă bruă kiăng jai hrơi pơgiong črăn tơlơi phiăn.

VOV4.Jarai – Čơtlăm 13/8, Kơ-iăng Khua dêh čar ta, ơi Trần Lưu Quang hmâo nao pơhmư̆ “Hrơi Jơnum abih bang mơnuih ƀôn sang pơgang rơnuk rơnua lŏn ia thun 2023” ƀơi să Ea Tul, tơring glông Čư̆ Mgar, tơring čar Dak Lak.

VOV4.Jarai - Tom brơi (lơ 11/8), Khul đah kơmơi tơring čar Dak Lăk ngă hrŏm hăng Keh prăk pơgang ba ƀing čơđai tơring čar pơphun bưp, bơni kơ “Amĭ čơkă rông” hmư̆ hing amăng thun 2023”.