VOV4.Jarai-Rơwang hrơi tơjuh rơgao, ƀơi sang bruă khua git gai pơ ala mơnuih ƀôn sang dêh čar, Khua Khul djuai ania mơ̆ng Sang bruă pơ ala mơnuih ƀôn sang dêh čar ơi Y Thanh Hà Niê Kdăm git gai jơnum pioh lăi pơthâo hăng Jơnum min apăn bruă phun pơ ala mơnuih ƀôn sang dêh čar kơ bruă pơsir tơlơi tơnap tap, tơlơi gun, pơtrut hmar brơi čan prăk 3 hơdră tơhnal pơkă mơ̆ng dêh čar man pơdong plơi pla phrâo, pơhrŏ ƀun hơđong kjăp hăng pơđĭ kyar bơwih ƀong huă mơnuih mơnam kual djuai ƀiă hăng čư̆ siăng.

VOV4.Jarai – Lơ 22/9, ƀơi plơi prong Đà Lạt, Anom kơsem min bruă khua pơ ala mơnuih ƀôn sang (gah Jơnum min apăn bruă Khua pơ ala mơnuih ƀôn sang dêh čar) gum hrŏm hăng Grŭp Khua pơ ala mơnuih ƀôn sang dêh čar tơring čar Lâm Đồng pơphun bơkơtuai jar kơmar “Găn rơgao jar kơmar kơ prăk kak hăng pơkă kual lŏn drŏn”.

VOV4.Jarai-Ƀơi tơring čar Kon Tum, bruă pơsir hĭ tơlơi gun, tơlơi ƀu djơ̆ ƀơi Kơčăo bruă pơdong plơi ƀơi să Đăk Long hăng prăk tuh pơ alin rơbêh 149 klai prăk, yua Jơnum min mơnuih ƀôn sang Đăk Hà ngă pô tuh pơ alin ăt aka ƀu thâo ngă hiư̆m pă.

VOV4.Jarai - Amăng rơwang hrơi tơjuh rơgao, ƀơi plơi prong Pleiku, Khul pơlir hơbit đah kơmơi Việt Nam ngă hrŏm hăng Ping gah tơring čar Gia Lai, pơphun Jơnum tui akŏ bruă “Pơtrut tui tơlơi gơgrong bruă mơ̆ng ƀing khua đah kơmơi hăng bruă pơphun ngă lu hơdră djru hăng ƀing đah kơmơi phara hơjăn” kual Tong Krah - Dap Kơdư, pơčrông sai lu hơdră djru pơđĭ kyar tơlơi hơdip hăng mơnuih tơpuôl kual Tong Krah - Dap Kơdư.

VOV4.Jarai – Mơ̆ng lơ 14-18/9, Khua pơ ala mơnuih ƀôn sang dêh čar Việt Nam pơphun bruă Jơnum Khua pơ ala mơnuih ƀôn sang hlăk ai đơ đam rŏng lŏn tơnah tal 9 hăng anăn ñu: “Bruă mă mơng hlăk ai amăng bruă pơtrut ngă tui hơdôm tơhnal ba tơbiă pơđĭ kyar Kơjăp phik hluai tui Pơplih mrô hăng Pơplih phrâo pơčeh phrâo”. Bruă jơnum pơtŏng sit dong tơlơi gum hrŏm klă, hmâo pran gơgrong, gơgrong hlâo mơng Việt Nam amăng Khul pơlir hơbit Khua pơ ala mơnuih ƀôn sang rŏng lŏn tơnah (IPU); hrŏm hăng anun brơi ƀuh tơlơi đing nao, lăng yôm mơng Việt Nam pioh kơ hlăk ai hăng hơdôm tơlơi hrŏm đơ đam rŏng lŏn tơnah mơng hlăk ai ră anai.

VOV4.Jarai- Lu ring bruă, akŏ bruă amăng tơring čar Dak Nông aka ƀu dưi pok pơhai, bruă jao trun prăk tuh pơ alin man pơdong amăng tơring čar thun anai him lăng amra ƀu dưi pơgiong yua gun amăng bruă mă bôxit.

VOV4.Jarai - Mơ̆ng anai truh pơ thun 2025, tơring čar Gia Lai amra pok pơhai 7 kơčăo bruă pơhrŏ trun mrô sang anŏ rin hơđong kơjăp.

VOV4.Jarai-Yak nao thun hrăm phrâo, ƀing čơđai sang hră kơtuai tui guai lŏn ia kual Dap kơdư hur har pran jua nao sang hră hrŏm hăng pran khăp pap mơng ling tơhan. Hrŏm hăng tơlơi đing nao mơng gong gai hăng gơnong bruă pơtô pơjuăt, ƀing čơđai ăt hơmâo ling tơhan pơgang guai lŏn ia mơng bruă čem rông, hăng ƀơk brơi gơnam yôm phăn.

VOV4.Jarai - Lơ 13/9, ƀơi plơi prong Pleiku, tơring čar Gia Lai pơphun Jơnum bơkơtuai kơ bruă “Pơtrut tui tơlơi gơgrong bruă mơ̆ng ƀing khua đah kơmơi hăng bruă ngă tui hơdră djru hăng grup đah kơmơi phara hơjăn” kual Tong Krah - Dap Kơdư.

VOV4.Jarai – Hơdôm hrơi rơgao, hăng tơlơi lăng ba mơng Ping gah hăng Kơnuk kơna lu hơdră bruă, jơlan hơdră tuh pơplai kơ kual neh wa djuai ania ƀiă ƀơi tơring čar Dak Lak hăng glăk ngă tui ba glăi bôh tơhnal ƀô̆ mơta hơdôm anih anom neh wa djuai ania ƀiă dô̆ hơdip mơda jai hrơi pơplih phrâo, tơlơi hơdip mơda mơnuih ƀôn sang jai hrơi pơđĭ tui.