VOV4.Jarai - Thun anai giăm 70 thun laih, samơ̆ mơnuih kơhnâo kơhnăk Kpă Huăt (arăng juăt iâu ơi Sêna), dŏ amăng plơi Ama Djơng, ƀut plơi 9, phường Đoàn Kết, plơi prong AyunPa, tơring čar Gia Lai ăt abih pran jua bluh nao bơngăt amăng rup trah. Hăng tơngan kơđeng rơmoăn ñu dưi trah lu rup kyâo yôm phara tui gru grua djuai ania Jarai.

VOV4.Jarai - Amăng jơlan hơdră ngui pơdah phim Việt Nam tal 23, lơ 23/11, ƀơi plơi prong Đà Lạt, Anom bruă pơkra phim (Ding jum gru grua, bơrơguăt drơi jăn hăng tuai čuă ngui) gum hrŏm hăng gơnong bruă gru grua, bơrơguăt drơi jăn hăng tuai čuă ngui tơring čar Lâm Đồng pơphun jơnum bơkơtuai “Sa, dua bruă akŏ phun amăng pơjing gơnong bruă pơkra phim Việt Nam”.

VOV4.Jarai - Mơmŏt lơ 21/11, ƀơi plơi prong Đà Lạt (Lâm Đồng) hơmâo pơphun jơnum ngui pơdah phim Việt Nam tal 23. Kơ-iăng khua dêh čar Trần Hồng Hà nao ngui hrŏm.

VOV4.Jarai - Ƀơi sang djă pioh gru grua yôm tơring čar Dak Lak, gơnong bruă gru grua, bơrơguăt drơi jăn hăng tuai čuă ngui Dak Lak gum hrŏm hăng Jơnum min mơnuih ƀôn sang plơi prong Buôn Ma Thuột pơphun lăi pơthâo hrơi dô̆ rơkơi mơng djuai ania Êđê.

VOV4.Jarai-Tơdơi kơ 3 hrơi pơphun dik dak, mơmŏt lơ 20/11, Hrơi ngui gru grua djop djuai ania tơring čar Dak Lak pơđut hĭ laih.

VOV4.Jarai-Mơguah lơ 19/11, gơnong bruă gru grua pơrơguăt drơi jăn hăng tuai čuă ngui Dak Lak jơnum bơkơtuai kơ tơlơi phiăn đưm gru grua pih mơnuih tha kiăng djă pioh gru grua đưm djuai ania Mnông.

VOV4.Jarai-Ƀơi sang hră gưl III Hồng Đức, plơi prong Ƀuôn Ma Thuôt, Khul wai lăng tơlơi hơ̆k hơr adoh suang ngă hrŏm Gơnong bruă Pơtô hăng Pơjuăt tơring čar Dak Lak pơphun “Mlam adoh suang hơdor tơngia”. Lăng kah hăng sa bruă ngă pioh apah bơni pran jua ƀing nai neh pơtô hrăm hră ƀrô hơdor kơ Hrơi ƀing nai pơtô hrăm hră lơ 20/11.

VOV4.Jarai – Tơdơi rơbêh kơ sa rơwang hrơi tơjuh pơphun bruă jơnum ngui dik dak hăng djă jă gru grua, Rơwang hrơi tơjuh bôh thâo – tuai čuă ngui Gia Lai thun 2023 hmâo pơjưh laih amăng mơmot tom brơi (19/11).

VOV4.Jarai – Hăng sa amăng 53 djuai ania ƀiă Việt Nam, djuai ania Kơtu hmâo lu phiăn ngă yang, phiăn pha ra ha jăn, amăng anun hmâo phiăn ngă yang “lih buah amĭ ama bơnai”. Phiăn “lih buah amĭ ama” hmâo bôh tŭ yua prong biă gah pơtô juăt dŏ dŏng ƀong huă, pơjing ană mơnuih amăng rim sang anô̆, plơi pla hăng djuai ania, pơdah pran jua thâo tơngia mơ̆ng han tâo pioh kơ sang anô̆ bơnai.

VOV4.Jarai – Băn ao mơñam lĕ sa amăng hơdôm gơnam bôh thâo đưm yôm phăn mơ̆ng djop djuai ania ƀiă ƀơi Gia Lai, samơ̆ glăk ƀơƀrư̆ rơngiă tui. Amăng tơlơi anun, hmâo pơgang băn ao bă kơ tơlơi pơčeh lơm yua băn ao mơñam jing hơdôm gơnam hiam pioh pơhrôp, sĭ hyu djop anih.