VOV4.Jarai – Čơtlăm lơ 25/1, ƀơi să Ea Kao, plơi prong Buôn Ma Thuột, Gơnong bruă bôh thâo, bơkơjăp drơi jăn hăng tuai čuă ngui Dak Lak pơphun pơjưh anih hrăm hăng lăi pơthâo hơdră khul jơnum bôh thâo phiăn juăt djuai ania Tày, Nùng, Mường să Ea Kao.

VOV4.Jarai – “Tô̆ tui pơlir hơbit, gum hrŏm, biă ñu pơlir kual, pơjing lu anih anom phrâo amăng bruă tuai čuă ngui pioh pơtrut ngă pơhưč tuai čuă ngui, pơđĭ kyar bruă tuai čuă ngui”. Anai lĕ hơdôm tơhnal mơ̆ Khul bơwih ƀong bruă tuai cuă ngui Dak Lak ba tơbiă amăng mông jơnum tal 4, rơwang bruă 2024-2029 pơphun čơtlăm tom brơi (23/1) ƀơi Buôn Ma Thuột.

VOV4.Jarai – Tơring glông čư̆ siăng A Lưới, tơring glông Thừa Thiên Huế lĕ kual lŏn hmâo phiăn juăt ngă hơkrŭ đưm. A Lưới djă pioh na nao amăng pô lu gru grua đưm bôh thâo đưm, gru grua ngă hơkrŭ ƀuh rơđah hloh rơnuk blah ngă. Ngă tui Jơlan hơdră pơkă mơ̆ng dêh čar pơđĭ kyar bơwih ƀong – mơnuih mơnam kual neh wa djuai ania ƀiă (Jơlan hơdră 1719), tơring glông A Lưới hmâo lu tơlơi gir run pơgang ba, ngă tui hơdôm nua yôm bôh thâo phiăn juăt klă hiam.

VOV4.Jarai-Amăng mrô 29 mơta gơnam gru đưm đă dưi pơsit tui hăng hră pơtrun mơ̆ng Khua dêh čar kơnuk kơna lơ 18/1 phrâo anai, hơmâo sa mơta gơnam gru đưm dŏ djă pioh amăng sang djă pioh gơnam gru đưm Dak Lak. Anun lĕ, jơi khuer hăng pơtâo Thác Hai, sem lăng thun ñu rơgao mơ̆ng anai mơ̆ng 3000-4000 thun.

VOV4.Jarai- Mơnuih rơgơi kơhnâo Y Niă, djuai ania Sêđăng, 55 thun, dŏ amăng plơi Kon Bỉ, să Đăk Tờ Lùng, tơring glông Kon Rẫy (Kon Tum) ƀu djơ̆ kơnong lĕ mơnuih hơmâo čơđeng tơngan rơmoăn rơmĕ amăng mơñam mrai đôč ôh ăt lĕ mơnuih hơmâo đok adôh mơ-ak. Amăng hrơi ngui gru grua, bơrơguăt drơi jăn hăng tuai čuă ngui kual Dap kơdư tal I yua Ding jum gru grua-bơrơguăt drơi jăn hăng tuai čuă ngui pơphun ƀơi tơring čar Kon Tum laih rơgao, Y Niă arăng jak iâu nao hơngah mrai hăng pơdă prưng hơdôm abăn ao djuai ania pô - Anai lĕ gơnam OCOP.

VOV4.Jarai - Mơguah tom brơi (19/1), ƀơi plơi prong Buôn Ma Thuột, sang djă pioh gru grua Dak Lak gum hrŏm hăng sang djă pioh rup rap Việt Nam pơphun pơdă prưng rup sô hơđăp Việt Nam. Pơphun mơng anai truh abih blan 2 pơ anăp, hrơi pơdă prưng anai hơmâo 69 pok rup sô hơđăp hiam hloh, hơmâo ruah mơng sang djă pioh Việt Nam.

VOV4.Jarai - Ngă yang pin ia jing gru hiam hơmâo mơ̆ng đưm laih mơ̆ng djuai ania Jarai ƀơi tơring čar Gia Lai. Hăng mơnuih djuai ania Jarai, pin ia ƀu kơnong jing anih pơƀut sô̆ ia, anih neh met wa ră ruai tơdơi kơ sa hrơi mă bruă đôč ôh mơ̆ ăt pơƀuh tơlơi pơmin mơ̆ng ană plơi amăng bruă pơgang ba anih hơdip jum dar, wai lăng glai klô, răk pioh ia hơdjă, rơ-ơ̆ mơ̆ng plơi pla.

VOV4.Jarai - Mơnuih djuai ania Êđê djă kơnung amĭ anun jing bruă pơdô̆ djă kông juăt yua sang đah bơnai pơphun ngă. Sang đah bơnai yơh pô prăp rơmet pơnŭ pơnang, bơ sang đah rơkơi ñu dưi tơña pơnŭ. Pô đah bơnai tŭ rơkơi glăi dŏ hrŏm hăng sang amĭ ama ñu, samơ̆ pô đah bơnai anun ăt pioh hrơi mông dŏ glăi pơ sang đah rơkơi mơn hlâo či pơdô̆. Anai jing gru grua phara amăng tơlơi phiăn djă kông pơdô̆ rơkơi bơnai mơ̆ng djuai ania Êđê.

VOV4.Jarai – Čơtlăm lơ 4/1, ƀơi Hà Nội, Gong phun jua pơhiăp dêh čar Việt Nam pơphun Jơnum klah čun bruă mă thun 2023, pok pơhai 15 bruă mă amăng thun 2024.

VOV4.Jarai - Ƀơi plơi prong Đà lạt, tơring čar Lâm Đồng phrâo pơphun tal hơdor glăi 130 thun akŏ pơjing hăng pơđĭ kyar, tŭ mă miđai plơi prong pơčeh phrâo gah tơlơi adôh suang mơng UNESCO. Nao jơnum hrŏm hơmâo Phan Đình Trạc-Ding kơna Ding jum kơđi čar, Khua apăn bruă Ping gah, Khua anom bruă pơphun bruă gơnong glông, Lê Minh Khái-Khua apăn bruă Ping gah, Kơ-iăng khua dêh čar, pơ ala brơi djop ding jum, gơnong bruă gơnong glông, khua mua, khua Ping gah, Kơnuk kơna, amĭ Việt Nam sông kơtang, ƀing tuai čuă ngui mơng jar kmar, hrŏm hăng mơnuih ƀôn sang hăng tuai čuă ngui.