VOV4.Jarai - Jơnum ngui atông čing plơi prong Buôn Ma Thuột hơmâo pơphun blung a hơmâo rơbêh 250 čô mơnuih pơplông, mơnuih kơhnăk hlăk ai. Tui hăng tơlơi pơsit mơ̆ng anom pơphun bruă, abih bang tơlơi atông lêng kơ mơ-ak, rơguăt bruă. Hơmâo hơdôm grup čing mah glăk thun hlăk ai samơ̆ atông rơguă biă. Anai hơmâo lăng kah hăng “boh mih” amăng bruă djă pioh, răk lui gru grua atông čing ƀơi Dak Lăk tơdơi kơ hrơi blan djă pioh, pơtô glăi.

VOV4.Jarai – Mơmot tom brơi (17/11), ngă Lơphet jơnum ngui Hokkaido – sa amăng hơdôm bruă mă amăng hơdôm bruă mă hơdor glăi 50 thun pơdŏng bruă pơtom hiăp Việt Nam – Japan hmâo pơphun laih ƀơi plơi prong Hạ Long, tơring čar Quảng Ninh.

VOV4.Jarai - Mơguah lơ 17/11, amăng ia krông Pô Cô, Jơnum min mơnuih ƀôn sang tơring glông Ia Grai, tơring čar Gia Lai hơmâo pơphun tal pơplông čeo song nan hăng ngui atông čing hơgor.

VOV4.Jarai-Sa rơwang hrơi tơjuh dơ̆ng, ƀơi plơi prong Đà Lạt pơphun sit nik pơplông phim Việt Nam tal 23. Tơring čar Lâm Đồng lăng anai mông gêh găl yôm biă mă, pioh kơ tơring čar pôr pơthâo rup rap, tơlơi gêh găl, anŏ kơtang mơ̆ng tơring čar brơi kơ tuai hyu ngui.

VOV4.Jarai-Tuai čuă ngui ĕp lăng đang hmua sa mơta gơnam tuai čuă ngui găn rơgao hyu ĕp lăng hăng blơi yua.

VOV4.Jarai-Hrơi ngui pơdah phim Việt Nam tal 23 hơmâo 177 phim ba nao pơplông, anai lĕ mrô phun lu hloh dong mơng hlâo anun.

VOV4.Jarai - Rơnuč rơwang hrơi tơjuh rơgao, ƀơi tơdron lăk Đại Đoàn kết, plơi prong Pleiku, “Festival gru grua čing hơgor Gia Lai thun 2023” sit nik pơphun.

VOV4.Jarai-Yă H’Dĭ Ktŭl djuai ania Êđê, anăn juăt iâu lĕ Aduôn Phat, yă Phat, thun anai 65 thun, dŏ ƀơi Ƀuôn Drai Hling, să Hòa Xuân, plơi prong Ƀuôn Ma Thuột, tơring čar Dak Lak sa amăng hơdôm čô mơnuih thâo pĕ kơpaih rơngaih mrai, mơñam abăn ao đưm. Ñu thâo dơ̆ng mơ̆ng bruă pih kơpaih, rơwơi mrai, truh kơ mơñam duñ rup, tuai kơteh rup bơnga hiam djuai ania Êđê mơ̆ng đưm adih ñu thâo soh. Ñu ƀu hơdor djop ôh, mơñam hơdôm blah abăn ƀă, abăn mơsŭm, eng ao gru grua, tuai kơteh, tuai đôč, samơ̆ pran jua ñu kiăng pơtô glăi kơ ană tơčô ăt khom thâo djă pioh mơ̆n gru grua hiam anai.

VOV4.Jarai-Tlam mơmŏt lơ 10/11, Jơnum min mơnuih ƀôn sang tơring glông Čư̆ Pah, tơring čar Gia Lai pok pơhai jơnum sa rơwang hrơi tơjuh bơnga ang čuh-čư̆ apui kơdir đang ya thun 2023 ƀơi lan sang rung plơi Ia Gri să Čư̆ đang ya, tơring glông Chư Pah.

VOV4.Jarai - Rơwang hrơi tơjuh gru grua - tuai čuă ngui Gia Lai 2023 pơphun mơ̆ng lơ 11 truh lơ 18/11/2023. Hrơi blan rơgao, bruă prăp rơmet kơ hrơi jơnum ngui anai hơmâo ngă hơdeč hmar. Rơwang hrơi tơjuh gru grua tuai čuă ngui mơ̆ng tơring čar thun anai hơmâo pơphun prong biă, hăng lu tơlơi jơnum gru grua bơkơjăp drơi jăn djă gru grua djuai ania ƀiă ƀơi Gia Lai, amra pơhưč lu tuai nao ngui.