VOV4.Jarai-Mơmŏt lơ 10/9, Ding jum Gru grua pơrơguăt drơi jăn hăng Tuai čuă ngui ngă hrŏm tơring čar Bình Định pơphun jơnum prong hrơi mơak gru grua hiam djop djuai ania ƀiă kual Tong krah.

VOV4.Jarai-Ơi Y Djuan Mjâo (arăng juăt iâu lĕ Ơi Lot) 65 thun, dŏ amăng plơi M’Ngoan, să Ea Hồ, tơring glông Krông Năng, tơring čar Dak Lak lĕ mơnuih rơgơi kơhnâo. Ƀu djơ̆ kơnong thâo atông lu tơlơi adôh suang, thâo pơkra pơjing hăng ayŭp đing tarta, đing năm, đing buôt …đôč ôh ñu ăt thâo adôh kưt, eirei, thâo tơlơi phiăn hăng gir run pơtô brơi ană tơčô amăng plơi pla hrăm tui dong.

VOV4.Jarai - VOV Dap Kơdư 30 thun akŏ pơdong hăng pơđĭ kyar, Pôr jua pơhiăp tơlơi djuai ania ƀiă sui 30 thun laih hăng lu tơlơi lăp hơdor. Mơ̆ng Jơlan hơdră pơtui jua pơhiăp tơlơi Êđê blung a hơmâo pôr amăng brô̆ thun 1994 truh ră anai, VOV Dap Kơdư hơmâo dăp hơdră, pôr pơthâo 6 tơlơi djuai ania: Êđê, Jarai, Bahnar, Sêdang, K’Ho hăng Mnông. Hrŏm hăng tơlơi pơhing amăng lŏn ia ta wơ̆t hăng čar rơngiao, ăt hơmâo mơn jơlan hơdră pôr kiăo tui akŏ bruă, tơlơi adoh pioh kơ mơnuih ƀôn sang djuai ƀiă. Amăng 30 thun anun, hơmâo lu tơlơi lăp hơdor biă mă hăng djŏp rơnuk ngă jơlan hơdră pơtui jua pơhiăp djuai ƀiă ƀơi Dap Kơdư.

VOV4.Jarai – Gông (ƀudah arăng juăt iâo ting ning) lĕ sa djuai gông đưm mơng sa dua djuai ania ƀiă ƀơi Dap Kơdư. Gông juăt mă yua amăng hơdôm mông jơnum ngui plơi pla, jơnum ngui ngă yang hăng biă ñu amăng hơdôm mông adôh pơtưh nao rai tơdăm dra. Hor kơ jua mơñi mơng gông, Y Djưng Êban, ƀơi să Čư̆ Suê, tơring glông Čư̆ Mgar, tơring čar Dak Lak ƀu djơ̆ kơnong kơ pĕ gông thâo đôč ôh mơ̆ ñu thâ o pơkra gông pioh pơtô brơi kơ ƀing čơđai dong.

VOV4.Jarai - Mut hrŏm hăng jua čing, đing ayup đing hăng jua hơgor, tơlơi suang Arya, tơlơi suang hiam biă mă laih anun yôm biă mă amăng mơnuih ƀôn sang djuai ania Chu Ru đưm hlâo, hơmâo ƀuh glăi dong yơh ƀơi kual Dap Kơdư prong hiam. Ƀu djơ̆ amăng mông anai đôč ôh, amăng lu thun laih tơlơi suang anai hơmâo kơhnâo Touneh Ma Bio, dŏ ƀơi plơi Diom A, să Lạc Xuân, tơring glông Đơn Dương, tơring čar Lâm Đồng djă pioh.

VOV4.Jarai-Čơkă hok mơak hơdor glăi tal 78 thun Hrơi hơkrŭ blan čơpăn tŭ yua hăng Hrơi akŏ pơdong kơnuk kơna lŏn ia lơ 2/9 thun anai, lu anom bruă djop tơring čar, hăng djop anih tuai hyu ngui ƀong mơñum mă yua mơnong ƀong huă gru grua đưm djuai ania amăng kual Dap Kơdư hlăk prăp lui bruă mă čơkă tuai ƀơi plơi pla pô.

VOV4.Jarai-Tơring čar Kon Tum hơmâo rơbêh 609.600 ha glai rưng, amăng anun rơbêh 547.700 ha glai rưng dŏ hnong, rơnoh tơ-ui truh 63% pơkă hăng đơ đam lŏn glai tơring čar.

VOV4.Jarai - Hơdôm hrơi hăng anai, hrŏm hăng mơnuih ƀôn sang djop djang anih amăng dêh čar ta hok mơak hrơi rơngai lŏn ia, mơnuih ƀôn sang djop djuai ania amăng kual Lŏn Dap Kơdư ol kơdol pran jua hơdor glăi kơ Wa Hồ. Mah aka ƀu bưp djơ̆ ha wơ̆t ôh, samơ̆ amăng pran jua djop mơnuih ƀôn sang amăng kual Lŏn Dap Kơdư pơƀuh rŏ hơmâo Wa Hồ dŏ hrŏm, pơčrâo ba bruă mă amăng plơi pla kiăng thâo gum pơgôp, pơgang rơnuk rơnua, pơhlôm hơđong anun yơh pơjing pran jua mă bruă pơkơtưn khăp kơ lŏn ia, pơtrut mơnuih ƀôn sang mă bruă, hơđong tơlơi hơdip mơda.

VOV4.Jarai – Hăng anăn ñu “Amazing Kon Tum – Kon Tum mơ-ak hling hlang”, čơtlăm tom brơi (30/8), ƀơi plơi prong Kon Tum, Gơnong bruă Bôh thâo, Bơkơjăp drơi jăn hăng tuai čuă ngui tơring čar Kon Tum pok phun bruă pơplông pơčeh phrâo video clip Tuai čuă ngui Kon Tum thun 2023.

VOV4.Jarai – Mơmot tom brơi (29/8), ƀơi Sang adôh suang Hồ Gươm, ƀôn prong Hà Nội, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ nao pơhmư̆ Jơlan hơdră adôh suang pha ra “Nắng Ba Đình”.