VOV4.Jarai – Amăng tal nao čuă gưl Kơnuk kơna pơ̆ Hàn Quốc, lơ 5/12, ƀơi Seoul, Khua mir sir dêh čar ta ơi Nguyễn Xuân Phúc hmâo bruă bơkơtuai ƀiă hăng bơkơtuai sit nik hăng Khua mir sir dêh čar Hàn Quốc Yoon Seok Yeol.

VOV4.Jarai-Tlam mơmŏt lơ 5/12/2022 amăng tal nao čuă jơmư dêh čar Hàn Quốc, Khua mir sir ơi Nguyễn Xuân Phúc hơmâo bưp Khua dêh čar Hàn Quốc, ơi Han Duck Soo ƀơi Seoul.

VOV4.Jarai - Tŏ tui hơdôm hrơi nao čuă sit nik New Zealand, mơguah lơ 5/12, ƀơi plơi prong Hamilton, Khua git gai pơ ala mơnuih ƀon sang dêh čar ơi Vương Đình Huệ nao jơnum ngă hrŏm bruă pơtô pơjuăt Việt Nam - New Zealand.

VOV4.Jarai – Mơguah lơ 5/12, Ding jum kơđi čar, Grŭp ding kơna git gai Ping gah dêh čar pơphun jơnum đơ đam dêh čar kơsemin, hrăm tui, lăi pơthâo hơdôm Tơlơi pơtrun pơsit Jơnum tal 6, Grŭp mă bruă Ping gah dêh čar ta tal 13

VOV4.Jarai – Khua mir sir dêh čar ta ơi Nguyễn Xuân Phúc hmâo pioh laih mông tŭ jum hơdôm Grŭp ba jơlan hlâo mơng Hàn Quốc glăk pok pơhai lu rơwang bruă prong ƀơi Việt Nam.

VOV4.Jarai-Tlam lơ 4/12, Khua dêh čar ơi Phạm Minh Chính hrom hăng grup khua mua mơ̆ng Kơnuk kơna hơmâo mông mă bruă hăng khua mua tơring čar Bạc Liêu.

VOV4.Jarai – Khua mir sir dêh čar ta ơi Nguyễn Xuân Phúc hmâo hơdôm bruă tŭ jum sa dua khul grŭp giăng mah, gum hrom bơwih ƀong, bôh thâo đưm, bơkơtuai mơnuih ƀôn sang Hàn Quốc hăng Việt Nam hmâo lu tơlơi gum hơgôp klă kơ bruă pơtrut tơlơi rô nao rai dua bôh dêh čar.

VOV4.Jarai - Kar hăng lu tơring čar pơkŏn, Lâm Đồng bưp lu tơnap tap amăng bruă jao trun prăk čan tuh pơ alin bruă čar, ră anai kơnong pơ gŭ 70% đôč. Jơnum min mơnuih ƀon sang tơring čar Lâm Đồng glăk git gai khut khăt, pok pơhai hơdôm hơdră kơtang hloh kiăng đĭ tui rơnoh prăk čan jao trun rơbêh 95% amăng thun anai.

VOV4.Jarai-Lơ 2/12, ƀơi sang bruă ping gah dêh čar, Khua git gai ping gah ơi Nguyễn Phú Trọng git gai jơnum ding jum kơđi čar pơgôp hiăp Akŏ bruă pơƀut 10 thun ngă tui Hră pơtrun mơ̆ng Ding jum kơđi čar bruă mă pơđĭ kyar ƀôn prong Hồ Chí Minh truh thun 2020; anăp nao truh thun 2030, lăng nao pơ thun 2045.

VOV4.Jarai-Tlam lơ 2/12, ƀơi anom bruă Khua mir sir, jơnum hăng ƀing čih tơlơi pơhing pôr pơthâo tơlơi pơtrun mơ̆ng Khua mir sir ngă tui tơlơi phiăn phrâo hơmâo khua mua pơ ala mơnuih ƀôn sang dêh čar pơsit laih jơnum lok 4 tal XV.