VOV4.K’ho - Bộ y tế pa lơh gơs broa\ lơh mut lơh bơta cit sơnơm bơsir vaccine Sởi-Rubella ai kơnòm dềt bơh 1-5 sơnam tàm ù tiah pơhìn ua\ nam 2018. Broa\ lơh nàng wèt tus tơl khà 95% kơnòm dềt bơh 1-5 sơnam tàm ù tiah pơhìn ua\ geh cit  bơsir 1 ding  vaccine Sởi-Rubella, pơgồp bal tơngguh khà tam dra\ kòp Sởi-Rubella tàm [òn làng. Kờp du\ broa\ lơh cit sơnơm geh mut lơh tàm 4 nhai lồi nam do tàm 55 kơnhòal geh pơhìn ua\ bơh 13 càr, [òn dờng tàm gùt lơgar, tàm hơ\ geh 4 càr Tây Nguyên la Kon Tum, Gia Lai, Dak Lak, Dak Nông.

Tàm ala\ kơnhòal geh kờp la gơ pơhìn ua\ tu\ geh dùl tàm ala\ broa\: la tiah kal ke, tiah sar lơgar ngài, tiah làng bol kòn cau, tiah nhàr bal, tiah gơ tam gơl dờng làng bol, tàm ala\ nam rềp do, khà cit sơnơm vaccine Sởi ding dơ\ 1 hờ đơm 90%, hala geh khà gơbàn kòp Sởi-Rubella jơnhua rlau 1 bơnah rhiang rbô na\ làng bol. Pơnjat hơ\, jơh ala\ kòn dềt bơh 1-5 sơnam tàm tiah gơ pơhìn ua\ geh cit  dùl ding vaccine rcang sơndra\ kòp Sởi-Rubella.

Cau mblàng K’ Brọp