VOV4.K'Ho- Đơs lài, drà kă bro phe tăc hờ lơgar ndai tàm nam 2024, tăc phe hờ lơgar ndai bơh Việt Nam dê nam do digơlan geh 8 tơlak tấn.

VOV4.K’Ho- Lâm Đồng là càr lam bồ gùt lơgar bè lơh sa sươn sre măy mok pa. Tàm hơ̆, ngui hìu krơh tàm lơh sa là dùl tàm ală broă lơh cèng wơl cồng nha uă, dong tơnguh cồng nha lơh geh, tơnguh uă priă lơh geh tàm dùl bă ù tam phan bal. Bulah bè hơ̆, tơnơ̆ tŭ tơngai jŏ jòng hìu krơh geh lơh uă bal mờ bơta lơh uă mhar ngan, lơh gơrềng ờ niam tus ƀòn lơgar, tiah ơm kis mờ gơ jăt bal uă jơnau gơlời wơl ờ niam ndai. Den tàng bè hơ̆, càr Lâm Đồng gam lơh ală broă rơndăp lơh lơh jăt sờr ntrờn jơh ală bă ù lơh hìu krơh lik bơdìh ù tiah dơlam ƀòn dờng Dà Làc mờ ală kơnhoàl rềp bal.

VOV4.K'Ho - Mho ngai 31/10, tàm xã Ea Kênh, kơnhoàl Krông Pắk, càr Dăk Lăk, Sở Nông nghiệp mờ Phát triển Nông thôn càr Dăk Lăk bơyai lơh jàu mờ ai ngui broă lơh tơnau kong jai mờ tam gơl nhơm trồ tiah mờ dong kờl phan bơna ngui lơh broă suơn sre ai làng bol lơh broă sa gơ wèt rơndap broă lơh “Sơlơ tơnguh bơta pràn kong jai bơh lơh sa suơn sre dềt dê mờ gàr tơl tiah geh dà tài tam gơl trồ tiah tàm Tây Nguyên mờ tiah đah jum tàm gùl lơgar” tàm càr Dăk Lăk.

VOV4.K’Ho- Tŭ do cau tam tờm sầu riêng tàm càr Dăk Lăk gam mŭt tàm ală ngai lồi kàl tơnhào plai sầu riêng kàl lơh sa 2022-3023 do. Jăt jơnau đơs bơh Mpồl tam klăc sầu riêng càr Dăk Lăk pà git, plai sầu riêng nam do tàm càr dê geh tơnhào uă, priă tăc geh uă, cau tam geh priă cồng uă.

VOV4.K’Ho- Rơcang tàm kàl pic plai kơphe, UɃÑZ càr Dăk Lăk pa tơlik Kơrnoăt sồr nàng gàr niam ai broă lơh, tơnhào, lơh mờ tăc kơphe tàm kàl lơh sa 2023-2024 geh cồng nha uă.

VOV4.K’Ho- Kụk tăc mờ blơi phan mờ lơgar ndai, gơwèt Ƀộ Kông thương pa pơgồp bal mờ UɃÑZ càr Gia Lai bơyai lơh Pơrjum lơh jăt ală broă bơtàu tơnguh broă lơh drơng ala logistics tàm càr Gia Lai. Ală kwang bàng neh tam pà bal bè broă bơtàu tơnguh lơh sa, tăc phan geh lơh bơh suơn sre mờ logistics tàm càr Gia Lai; gùng dà bơtàu tơnguh gah loigistics tàm tơnơ̆ do, broă pe broă lơh, pơlam gùng dà broă lơh tàm broă rơndăp ù tiah, hòi jà bơcri priă lơh phan bơna logistics gơwèt mờ càr Gia Lai.

VOV4.K’Ho- Ngai 25/10, tàm ƀòn dờng Pleiku, càr Gia Lai geh bơyai lơh Cribơyai tam gơl sồ tàm lơh sa suơn sre ală càr tàm tiah Tây Nguyên nàng kờñ chồl tơnguh tăc bro phan lơh geh bơh lơh sa suơn sre.

VOV4.K'Ho - Tàm kơnhoàl Krông Păk, dùl rbòng dà mờr 15 tơmàn đông neh geh Ủy ƀan Ñân zân kơnhoàl lơh ngan bơcri priă lơh, bulah anih lơh broă mờng chài bơh Ƀộ Tài Nguyên mờ Môi trường dê tơngkah lài bañ lơh tài ờ lơh geh cồng nha. Dut ndơl, broă lơh do neh ờ gơtùi ngui, gơtìp sang tĕ gời mờ tŭ do gam gơ bồr tàm ù, uă anih gơtìp tơrlah dờng ngan, do là dùl dă ngòt rơngơt ngan gơ wèt mờ làng bol.

VOV4.K’Ho- Tàm ƀòn dờng Buôn Ma Thuột, Ngân hàng Dà lơgar Việt Nam pa pơgồp bal mờ Ủy ƀan Ñân zân càr Dăk Lăk bơyai lơh pơrjum tàm tơrbŏ Ngân hàng mờ Mpồl lơh sa kă bro tàm tiah Tây Nguyên. Pơrjum kờñ tă bơsong kal ke ai mpồl lơh sa kă bro in, tơnguh bơta pràn geh càn priă ai mpồl lơh sa kă bro tàm tiah Tây Nguyên in mờ chồl tơnguh lơh sa- mpồl bơtiàn bơtàu tơnguh.

VOV4.K'Ho- Jơh gùt càr tŭ do geh pơgap 150 Hợp ták xã lơh sa suơn sre, rlau 270 suơn dờng, hìu bơnhă lơh sa dờng mờ rlau 15 rơbô 500 hìu bơnhă cau lơh broă sa geh lơh bal lơh sa mờ tăc bro phan bơna mờ mpồl lơh sa kă bro.