VOV4.K’Ho- Ƀộ Nông nghiệp mờ Phát triển Nông thôn geh jơnau kờñ tus nam 2025 rơ̆p tam pa wơl mờ bơkiar lơh tam gơl wơl tai pơgăp 107 rbô lồ kơphê. Tơngai lài, ală càr Tây Nguyên neh lơh jăt tam pa wơl mờ lơh tam gơl pa wơl sươn kơphê. Broă tam pa wơl mờ lơh tam gơl wơl sươn kơphê neh lơh geh bàr pe cồng nha ngan ngồn, dong tơnguh cồng nha lơh geh, tơnguh uă priă lơh geh ai làng bol in. Mơya, tàm bàr pe tiah, bă kơphê tơnơ̆ tŭ tam pa wơl ờ huan lơh geh cồng nha.

VOV4.K'Ho- Ƀăo Lơh broă sa Việt Nam neh bơyai lơh Cribơyai “Đal gĭt bơta geh ngan lơh bal lơh sa, tăc bro, tăc mờ lơgar ndai sầu riêng nam 2023 mờ Broă lơh bơtàu tơnguh geh cồng nha, kơ̆ kơl jăp jŏ jòng gah phan sầu riêng lơgar Việt Nam”.

VOV4.K’Ho- Drim òr (08/09), Sở Kông thương càr Dăk Lăk bơyai lơh Pơrjum tơrbŏ bal kă bro đah ală cau ai phan geh lơh bơh suơn sre mờ ală mpồl lơh sa kă bro tam pà phan, kă bro phan mờ lơgar bơdìh nam 2023.

VOV4.K'Ho - Dơ̆ cribơyai pờ tơlik tơn tàm internet “Broă lơh kơryan mờ bơsong kơnuh sơnơm blơi tìs mờ adat boh lam bơh lơgar ndai, sền gàr cau tam kơnuh sơnơm Việt Nam” geh lơh drim ngai 08/9 tàm Hà Nội.

VOV4.K’Ho- Tam gơl trồ tiah ngai sơlơ kal ke gơrềng ờ dùl êt tus rài kis, lơh broă sa bơh làng bol dê. Lơh kơphê tàm Tây Nguyên kung gam kong gơrềng uă bơh tam gơl trồ tiah dê. Bơta tam gơl nisơna bơh trồ tiah dê bè bơta duh mrềt, bè tam pà mìu...gơ sồr cau lơh broă sa kờñ pal ngac ngar, rơcăng lài mờ sơrbac mhar tàm ală bơta chài tam phan ngui ai sươn chi in.

VOV4.K'Ho - Rềp ndo, nac lòt nhơl kờñ lòt tus ală tiah ƀòn lơgar nàng tryăng sền, git ngan ngồn. Git jơnau kờñ do, uă hìu bơnhă làng bol tàm kơnhoàl Duy Xuyên, càr Quảng Nam neh khin cha lơh niam wơl suơn hìu, lơh lŏ sre gơ gơs anih lòt nhơl tơlir, tam gơl niam rài kis mờ pơgồp bơnah lơh tam gơl muh mat ƀòn lơgar pa.

VOV4.K’Ho- Jơh gùt kơnhoàl Krông Păc, càr Dăk Lăk tŭ do geh rlau 7 rbô 100 lồ sầu riêng, tàm hơ̆ pơgăp 3 rbô lồ gam gơ ai sa, plai lơh geh kàl nam 2022 là 57 rbô tấn. Kàl nam do, sầu riêng bơh Krông Păc dê yal lài lơh geh uă, giă tăc jơnhoa, gơ ai cau lơh broă sa in priă lơh geh uă. Ờ tơl dùl nhai tai, sầu riêng Krông Păc rơ̆p mŭt tàm kàl pik tờm, broă sền gàr lài mờ tơnơ̆ tơngai pik plai nàng kờñ gàr sùm cồng nha lơh geh ai sươn chi in gam geh cau tam jơh nùs ngan lơh.

VOV4.K’Ho- Ngai òr (29/08), UɃÑZ kơnhoàl Cư̆ Mgar, càr Dăk Lăk bơyai lơh yal khà măt kă bro “Sầu riêng kơnhoàl Cư̆ Mgar” geh Kụk ngui bơta ngăc ngar gơwèt Ƀộ Khoa họk – Kông nghệ ai dờp.

VOV4.K'Ho - Ngai 29/8, Ci kụk Phan tàm dà càr Dăk Lăk pơgồp bal mờ Ủy ƀan Ñân zân kơnhoàl Krông Păk bơyai lơh tơdùh ka sơntìl ală bơta tơnguh tai bơta kuơ phan tàm dà nam 2023 tàm xã Vụ Bổn.

VOV4.K’Ho- Dăk Lăk mờ mat dà ròng tam phan tàm dà 9 rbô lồ, geh bơta pràn dờng ngan bè ròng uă ală bơta phan tàm dà, ngan là ka dà ờs. Uă hìu làng bol neh bơtàu tơnguh uă broă ròng tam phan tàm dà gơ ai cồng nha lơh sa uă ngan. Bulah bè hơ̆, mŭt tàm nhai mìu dà tih, cau ròng tam phan tàm dà ƀươn gơtìp hoàc hươr tài bơh trồ tiah lơh aniai nisơna, kờñ pal rơcăng lài kơryan.