VOV4.K’Ho- Trồ tơngai duh jŏ jòng gam lơh kal ke uă ngan tus rài kis mờ lơh broă sa suơn sre tàm uă tiah tàm gùt lơgar dê. Tàm tiah Tây Nguyên, trồ tơngai duh uă ngan lơh kal ke tus mờ tờm kơphê, tàm tŭ hơ̆ tàm tiah đah Tô mat tơngai mut, bơta trồ prang dờng soăt dà den lơh gơbàn hoàc huơr gơwèt mờ bă sre lơh kòi mờ tờm chi sa plai.

VOV4.K’Ho- Gơboh khoa họk kông nghệ mờ kis bơh tiah hờ đah jum măt tơngai mŭt dà lơgar dê, git gŏ ală bơta kal ke bơh làng bol lơh broă sa, mpồl cau bơsram dờng tàm hìu bơsram Đại họk Kông nghiệp ƀòn dờng Hồ Chí Minh neh lơh rơndăp broă “Broă lơh sa suơn sre tơlir” (ECO-HOUSE) nàng dong kờl làng bol ngui kông nghệ sền ală bơta gơrềng mờ kàl lơh sa.

VOV4.K'Ho - Sùm geh bồ tơngoh brồ guh, tryăng tryồng bơsram, đòm jat bơta pa nàng ngui tàm broă lơh sa, bi Kpă Meo, kòn cau Jrai ơm tàm ƀòn Tung, xã Ia O, kơnhoàl Cư Prông, càr Gia Lai neh gơ gơs là krơh niam lơh sa jak tàm ƀòn lơgar mờ priă lơh geh gơguh tus 400 tơlak đông pah nam.

VOV4.K’Ho- Tŭ do, tàm càr Dăk Lăk đơs is mờ ală càr Tây Nguyên đơs bal, bă ù tam sầu riêng gam gơguh mhar ngan, tam bal tơn tàm ală tiah kơphê geh tam uă tàm tiah do dê.

VOV4.K’Ho- Ngai 27/04, tàm càr Dăk Lăk, Ală Mpồl lơh kơphê Buôn Ma Thuột neh bơyai lơh cribơyai “05 nam kơphê bơkah ngan Việt Nam dê”.

VOV4.K’Ho- Ală nam rềp ndo, kơnhoàl Đăk Đoa, càr Gia Lai neh gơ gơs là dùl tàm ală tiah tờm tam uă ngan tờm plai màk bơh càr Gia Lai dê. Tàm do, ờ mìng bă ù tam plai màk geh rề ơnàng tam uă mhar mờ cau lơh broă sa neh bơh sơnrờp tam plai màk jăt gùng dà kơ̆ kơl jăp jŏ jòng, bơta chài tam ngai sơlơ geh tơnguh uă tai.

VOV4.K’Ho- Ai lài gơ hòi gơ jà bơcri priă tàm gah ròng phan kông nghệ kao, mìng tàm tơngai ờ jŏ, càr Gia Lai geh 46 rơndap broă dờp bơcri priă lơh.

VOV4.K’Ho- Kàl tơnhào kòi kàl prang tàm kơnhoàl Krông Nô, càr Dăk Nông mờ kơnhoàl Krông Ana càr Dăk Lăk gam sền gŏ bơta moăt tŭ git nđờ rơhiang lồ kòi gơtìp nsiăp gar, cồng nha tơnhào gơmù uă, geh tŭ geh ờ uă bă sre gơtìp ờ geh tơnhào tơn mơya ờ hềt git loh làng tài bơta lơi.

VOV4.K’Ho- Broă ròng lơwe gơ sồr cau ròng pal kơ̆ nùs, kơrhia ngan mờ geh bơta gĭt wă bè bơta ờs mờng ơm kis, deh dờng bơh lơwe dê mờ bơta pal jăt, tơngai kis ală tờm bơkàu dê nàng lơwe ròng dà sŭt jăt kàl bơkàu.

VOV4.K’Ho- Tŭ do gam là tŭ trồ prang dờng tàm Tây Nguyên dê. Gơnoar atbồ bal mờ gah lơh broă geh gơnoar ală tiah bal mờ làng bol gam lơh jăt ală broă tam dră mờ trồ prang ai phan tam in. Cau ai tơngit jơnau đơs Việt Nam tàm Tây Nguyên geh jơnau cih yal bè bơta mùl màl do tàm càr Gia Lai mờ càr Dăk Lăk.