VOV4.K'Ho- Ủy ƀan Ñân zân kơnhoàl Krông Păk, càr Dăk Lăk pa pơgồp bal mờ mpồl lơh sa kă bro tàm kơnhoàl bơyai lơh Dơ̆ tac hờ lơgar ndai rơ sòn bar bèt uă jat sră pơrgon sơn rờp bơh kơnhoàl dê tus drà kă bro lơgar Lo.

VOV4.K'Ho - Tơngai rềp ndo, tài giă tac plai sầu riêng gơguh jơnhua ngan neh dong uă cau tam tàm càr Tiền Giang brồ guh lơh pas, den tàng tŭ do tàm 2, 3 tiah tàm càr, làng bol lơh broă sa ur ar tam is bơdìh mờ tiah geh rơndap lài, geh tŭ kơl sang ală tờm chi ndai nàng tam tờm sầu riêng dồ bă ur ar mờ tơnơ̆ do ờ git bè lơi.

VOV4.K’Ho- Mờr 10 nam rê wơl hờ do, uă hìu bơnhă cau lơh broă sa tàm thị xã Buôn Hồ, càr Dăk Lăk neh khin cha cèng tờm bơkào đào tam nàng tăc tàm tơngai sa tềp. Tài bơh tờm bơkào đào gơdờp mờ ù tiah, trồ tiah den bơkào đào gơ lì niam ngan mờ geh làng bol kờñ ngan. Broă tam bơkào đào neh ai uă hìu bơnhă cau lơh broă sa in geh uă priă jền. Tŭ do cau tam bơta tờm bơkào do gam ờ ru ngan ală broă lơh sơng ka sền gàr tơngai lồi dŭt nàng rcang ai tơngai tăc bơkào sa tềp Giáp Thìn nam 2024.

VOV4.K’Ho-“Bơtàu tơnguh Tây Nguyên pal tàm pơnrring ngui dà di pal”, do là jơnau đơs geh đơs sùm tàm cribơyai jak chài “Dà mờ rài kis mờ kòn bơnus Tây Nguyên dê” bơh Mpồl Địa chất thủy văn Việt Nam pơgồp bal mờ ală anih lơh broă geh gơrềng bơyai lơh tàm drim ngai 12/01, tàm ƀòn dờng Buôn Ma Thuột, càr Dăk Lăk.

VOV4.K’Ho- Mờ tơngume “bal mờ gơ̆p tă bơsong kal ke, dong kờl cau lơh broă sa sơlơ bơtàu tơnguh lơh sa suơn sre, ƀòn lơgar mhar mờ kơ̆ kơl jăp”, mho òr (11/01), Củ tịc Ủy ƀan Ñân zân càr Kon Tum Lê Ngọc Tuấn neh tơm bơh bơr mờ 500 nă cau ala mat là kwang bàng, cau tàm mpồl cau lơh broă sa tàm càr dê.

VOV4.K’Ho- Lơh kòi bơh càr Dăk Lăk tŭ do ơm lài ngan tiah jăt gah dà lềng đah jum tàm gùl lơgar mờ Tây Nguyên dê mờ bă ù sih tam geh di pơgăp rơlao 100 rơbô lồ.

VOV4.K’Ho- Tơnơ̆ dùl nam sơr lèt gan ală bơta lòng bè trồ tiah lơh aniai, tu kòp lơh aniai, ngan là bơta gơrềng drà kă bro tài bơh gơmù lơh sa gùt plai ù dê, mơya lơh sa mờ tăc phan mờ lơgar ndai ală bơta phan lơh sa suơn sre- phan brê bơnơm mờ phan tam dà kung gam lơh geh uă cồng nha niam, ờ mìng gàr niam tơl kòi phe, mờ gam lơh geh uă bơta niam tàm rùp rài lơh sa Dà lơgar dê.

VOV4.K'Ho- Nam 2023, bulah broă lơh sa mpồl bơtiàn geh uă kal ke, mơya bơta tac phan hờ lơgar ndai tàm càr Gia Lai kung gam lơh geh priă jền 680 tơlak dolar Mỹ, gơguh 3,03% pơndrờm dùl tŭ bal mờ nam lài.

VOV4.K’Ho- Lơh jat jơnau sồr bơh Cíñ phủ dê, Ủy ƀan Ñân zân càr Kon Tum gam lam lơh jat broă tam gơl rlau 73 lồ ù brê tus jơnau kờñ ndai nàng lơh broă lơh gùng lòt, bơtơ̆t rbòng dà.

VOV4.K’Ho- Giă kơphe tŭ do gơguh uă di pơgăp dùl dơ̆ mờ nggùl pơn drờm mờ kàl lơh sa lài, neh cèng wơl bơta gơn kơnờm uă ngan nàng ală càr Tây Nguyên tơnguh lơh sa mpồl bơtiàn, gơguh uă priă geh bơh làng bol dê. Mơya, mờ cau kă bro kơphe, do là kàl lơh sa geh uă bơta lòng, tài priă blơi-tăc kơphe gơguh gơmù ờ git lài, rềs àr sùm gơlik geh. Gàr niam broă kă bro tàm kàl lơh sa do là kal ke ngan. Geh ờ uă mpồl lơh sa kă bro dềt mìng kă bro di mơ, gam làng bol cau lơh broă sa den ờ sŭk: Tăc mơ den ngòt giă priă tăc pơn jăt tai gơguh, gam prăp den ngòt giă gơmù uă.