VOV4.K'Ho - Mpồl duh broă sền sơ wì, sac rơ wah phan OCOP càr Dăk Lăk pa ring bal mat 17 phan tơl khà phan OCOP 4 sơmañ kâp càr dơ̆ 1, tơnguh tus 237 phan OCOP tàm càr do.

VOV4.K’Ho- Ủy ƀan Ñân zân càr Dăk Lăk pa bơyai lơh Pơrjum sền jơh wơl gah phan sầu riêng nam 2023, gùng dà broă lơh mờ kơnòl broă nam 2024. Gơguh tai mhar ngan, priă jền dờng ngan, mơya kung geh uă bơta ờ hềt dipal, ờ pràn jak kờñ pal mhar bơsong nàng bơtàu tơnguh kơ̆ kơl jăp là jơnau đơs nền bal tàm pơrjum bè gah phan bềng bơta gơn kơnờm bơtàu tơnguh bơh càr dê.

VOV4.K'Ho- Ƀòn dờng Hồ Chí Minh mờ ală càr Tây Nguyên geh bơta tàm tơrbŏ bal bơh jŏ, tài dùl gah là tiah lơh gơlik phan, tac phan bơna, phan lơh gơs bơh suơn sre, dùl gah gam wơl den là tiah tờm nàng tac bro, pơndiang rlau 75% khà phan do. Broă tàm tơrbŏ bal sơlơ geh lam lơh ngan ngồn rlau mờ ală jơnau ring bal lơh broă bal, ai ngui bơta gơn kơnờm gơguh lơh sa pa nàng tơnguh bơta git gơp đềt mềr jŏ nam, tơnguh bơta tơrbŏ bal ù tiah bơh tơl broă lơh ngan ngồn nàng lơh sa – mpồl bơtiàn bơh tơl tiah dê ngui uă ngan rlau jơh bơta pràn, bơta ƀuơn.

VOV4.K’Ho- Bơta trồ prang dờng tàm càr Kon Tum kung gam gơlik geh kal ke. Tŭ do, ală Trạm ƀồm dà mờ đèng tàm ƀòn dờng Kon Tum gam geh lơh broă jơh bơta pràn jơh ngai mờ mang ƀồm nàng rcang lài kơryan trồ prang dờng ai rlau 400 lồ kòi sre tàm tiah ờ ngơr dà tơnau dơng dà Hìu măi lơh đèng dà Yaly.

VOV4.K’Ho- Di tơngkah kir sơnrai Ngai Hợp tak xã Việt Nam (11/04/2011- 11/04/2024), drim ngai 08/04, Ală Hợp tak xã càr Dăk Lăk neh bơyai lơh dơ̆ tìp măt nàng kờñ yal wơl ală tŭ bơtàu tơnguh bơh lơh sa Hợp tak xã dê mờ ai geh broă lơh lơh broă ngai sơlơ ngan ngồn rlau.

VOV4.K’Ho- Trồ tơngai duh jŏ sùm tàm càr Gia Lai neh lơh khà dà tàm uă dà dờng, croh dà, tơnao dà gơtìp soăt, trồ prang lơh uă tiah làng bol ờ geh dà ngui sa. Tŭ do gơnoar atbồ tàm càr Gia Lai mờ gah lơh sa suơn sre càr Gia Lai neh lơh uă broă lơh jal mhar nàng rơcang kơrian.

VOV4.K’Ho- Giă tăc bùm lô sùm gơmù bơh bồ nam do, lơh cau tam bùm lô tàm kơnhoàl Phú Thiện, càr Gia Lai gơ ơm tàm bơta hoàc huơr.

VOV4.K’Ho- Broă mus kơl, tăc blơi, phan diang phan brê ờ di mờ adăt boh lam tiah rềp nhàr bal kung gam ờ hềt geh broă bơsong di pal. Do là jơnau đơs bơh UɃÑZ càr Kon Tum mờ Gia Lai dê tàm Pơrjum sền wơl cồng nha lơh jăt kơrnoăt pơgồp bal tàm broă atbồ, sền gàr brê mờ atbồ phan brê tiah rềp nhàr bal đah bàr càr geh bơyai lơh mho òr (02/04), tàm ƀòn dờng Kon Tum, càr Kon Tum.

VOV4.K’Ho- “Dăk Lăk pal jơh nùs, geh kơnòl rlau tai tàm broă tơrgùm kờp bă ù, khà kơphe lơh geh tŭ do nàng geh khà kờp dipal. Bơh hơ̆ đal git wơl gah lơh phan, ai tơlik ală broă lơh dipal bơtàu tơnguh gah lơh kơphe kơ̆ kơljap jŏ jòng sùm”.

VOV4.K’Ho- Di dơ̆ rê wơl tàm tiah tờm kăc màng, ngai 27/03, Khoa Thanh nhạc- Họk viện Âm nhạc Dà lơgar Việt Nam pơgồp bal mờ Ủy ƀan Ñân zân kơnhoàl Tu Mơ Rông, càr Kon Tum bơyai lơh dơ̆ jàu 100 rơbô tờm nho sơntìl 2 sơnam pà 200 hìu bơnhă rƀah kòn cau Sơdàng tàm ù tiah kơnhoàl in.