VOV4.K’Ho- Tàm dơ̆ lơh ală broă lơh broă bal đah bàr lơgar dê tàm lơgar Mỹ di tus pơrjum dơ̆ 68 Ủy ƀan gơnoar cau ùr bơh Mpồl duh broă lơh sa mpồl bơtiàn Liên hợp quốk bơyai lơh, Phó Củ tịc lơgar mò Võ Thị Ánh Xuân neh wă Ƀộ trưởng Lơh sa suơn sre lơgar Mỹ ồng Thomas J.Vilsack.

VOV4.K’Ho- Ủy ƀan Ñân zân càr Lâm Đồng pa jàu sră dờp phan bơna OCOP lơh geh jơnau sồr 4 sơmañ ai 21 phan bơna, tơnguh kờp jơh phan bơna lơh geh jơnau sồr OCOP tàm ù tiah do dê gơguh mờr 400 phan bơna.

VOV4.K’Ho- “Lơh jăt nền nòn cơng tàng cíñ trị bơh Nghị quyết sồ 10 nàng ring bal atbồ Dà lơgar tàm broă atbồ ù tiah bal mờ phan kwơ tàm ù, tàm hơ̆ uă ngan là tàm broă lùp sền mờ jòi sền phan kwơ tàm ù”. Do là jơnau sồr bơh Phó Thủ tướng ồng Trần Hồng Hà dê tàm dơ̆ pơrjum iăt jơnau yal bè rơndăp broă lơh Adăt ù tiah mờ phan kwơ tàm ù geh bơyai lơh drim òr (13/03), tàm Hìu lơh broă Cíñ phủ dê.

VOV4.K’Ho- Tŭ do, cau lơh broă sa tàm ală càr tàm tiah Tây Nguyên gam chờ hờp ngan mŭt tàm kàl tờm kàl pik tiêu nam 2024. Giă tiêu geh tăc pơgăp bơh 93 tus 95 tơlak đong dồ tấn, là khà giă jơnhoa ngan rlau jơh kờp bơh nam 2016 rê hờ ndo. Bulah giă tiêu gam gơguh jơnhoa mờ tăc geh khà 95 rbô đong dồ kĭ mơya cau lơh broă sa kung gam ờ hềt gơ jă gơ jal tăc tàm drà sơl. Tài bơh jăt kờp dŭ bơh cau lơh broă sa dê, priă tă bơcri uă, den tàng kung gam mìng lơh geh dồ êt priă cồng sơl.

VOV4.K'Ho - 8 rbô hìu bơnhă tam kơphe mờ bă ù dồ êt tàm tiah kal ke bơh càr Dăk Lăk dê rơp geh dong kờl lam lơh tam kơphe kơ̆ kơljap gơ dờp mờ tam gơl nhơm trồ tiah tơngai bơh nam 2023 tus nam 2028.

VOV4.K’Ho- Bŭ lah tŭ do ờ hềt di là dơ̆ prang uă ngan bơh kàl prang dê, mơya tơnao dà Đăng Kia – Suối Vàng tềng jơng bơnơm Langbiang, do là tơnao dà ai geh dà ngui sa tờm ngan ƀòn dờng Dà Làc, càr Lâm Đồng dê neh gơtìp tàm bơta soăt dà. Ai tơngŏ dùl kàl prang dờng di gơlan gơtìp tàm tiah kơh bơnơm Lâm Viên do.

VOV4.K’Ho- Drim ngai 04/03 tàm Hà Nội, Ƀộ Nông nghiệp mờ Phát triển Nông thôn pơgồp bal mờ Đại sứ quán lơgar Mỹ tàm Việt Nam bơyai lơh cribơyai “Tơnguh uă pràn jak lơh jăt adat boh lam kơryăn tăc bro dơm chi tìs mờ adăt boh lam đah lơgar Việt Nam mờ Mỹ.

VOV4.K’Ho- Lơh sa suơn sre là dùl tàm ală bơta pràn càr Dăk Lăk dê. Geh uă bơta phan geh lơh bơh suơn sre tờm bè: kơphe, măk ka, sầu riêng, kòi phe… neh geh uă drà kă bro tàm lơgar bơdìh tăc jăt gùng tờm. Bơta do ờ mìng pơgồp bal tàm broă tơnguh rài kis làng bol mờ gam pơgồp bal priă tă tàm kes priă pah nam geh git nđờ rơbô tơmàn đong bơh broă lơh sa, kă bro, tăc phan mờ lơgar bơdìh. Nam 2024, gah lơh sa suơn sre càr Dăk Lăk lơh ngan, kơ̆p gơn pơn jăt tai ai phan geh lơh bơh càr do dê geh bơtàu tơnguh rơlao.

VOV4.K’Ho– Càr Lâm Đồng geh rlau 500 rơbô lồ brê, tàm hơ̆ uă ngan là brê nho mờ ală bơta brê ƀuơn ngan ồs sa. Tềng đăp trồ tơngai ro kơnrañ, trồ tơngai duh jŏ jòng, bơta pơhìn gơlik geh ồs sa brê uă, càr do gam tơrgùm lam lơh uă broă lơh rcang sơndră ồs sa brê.

VOV4.K’Ho- Tàm dơ̆ lòt lơh broă tus càr Kon Tum tàm nhai 09 nam 2023, Thủ tướng Cíñ phủ Phạm Minh Chính neh pà hìu bơnhă rƀah tàm kơnhoàl Tu Mơ Rông in 12 rbô tờm kơnuh sơnơm Ngọc Linh sơntìl. Tơngai lài, geh bơta dong kờl bơh gơnoar ătbồ mờ gah lơh broă sa sươn sre dê, 300 hìu bơnhă rƀah bơh kơnhoàl dê neh tam sơntìl, lơh gơs sươn kơnuh sơnơm kwơ krơi is tềng hơđăng bơnơm Ngọc Linh.