Mùl màl tàm Jơnau lơh nền sồ 190, ngai 20/01/2025, Phó Thủ tướng ồng Hồ Đức Phớc jàu Ƀộ Priă jền in tă pà ờ sa priă ai càr Kon Tum in rlau 105 tấn phe, tàm hơ̆ rlau 58 tấn phe dong kờl làng bol dơ̆ Sa tềp bơhiàn dà lơgar dê nam Ất Tỵ 2025 mờ rlau 47 tấn phe dong kờl làng bol di nhai puh pah bồ nam 2025. Tơnơ̆ tŭ Cíñ phủ geh jơnau lơh nền tă pà rlau 105 tấn phe dong kờl mờr 2 rbô 300 hìu làng bol dơ̆ Sa tềp bơhiàn dà lơgar dê nam Ất Tỵ 2025 mờ di nhai puh pah bồ nam 2025, càr Kon Tum lam lơh mơ tơn broă dờp mờ pà phe nàng lơh jăt broă dong kờl làng bol in di tŭ, di cau di khà lài mờ Sa tềp bơhiàn dà lơgar nam Ất Tỵ 2025.

Bal mờ càr Kon Tum, di dơ̆ do Cíñ phủ kung lơh nền tă pà kờp jơh rlau 2 rbô 500 tấn phe ờ sa priă bơh phe ơn prăp dà lơgar dê dong kờl ală càr: Hà Giang, Cao Bằng, Ninh Thuận, Dăk Lăk di dơ̆ Sa tềp bơhiàn dà lơgar dê nam Ất Tỵ 2025 mờ dơ̆ nhai puh pah bồ nam 2025.