Nàng di tŭ dong kờl, pơn dờm cau rơƀah, hìu nhă geh rài kis gơtìp kal ke geh tơl phan wă rò nam pa tơl rơlao, Mpồl Cữ thập đỏ càr Dăk Lăk neh pơgồp bal mờ ală mpồl dong kờl jào pà git nđờ rơhiang pò phan tàm ală tiah gơtìp kal ke, tiah làng bol jơi bơtiàn ờ gal cau.

Tus tŭ do, tàm càr Dăk Lăk neh geh rơlao 55 rơbô 200 hìu geh pà phan satềp mờ kờp jơh priă rơlao 25 tơmàn đong. Jăt mò Nông Thị Thu, Phó củ tịc Anih duh broă Mặt trận Dà lơgar Việt Nam càr Dăk Lăk đơs, càr ai jơh ală hìu rơƀah, hìu pa lik klàs rơƀah ndrờm geh pà phan, geh tơl phan chờ nam pa, wă rò Satềp di jăt gùng dà broă lơh “ờ geh cau lơi gơtìp sơrbì is hờ tơnơ̆”.