Tàm broă lơh, Phó Củ tịc Quốk hội chờ hờp tŭ geh git di Satềp nam pa Ất Tỵ 2025, bal mờ broă tơm priă nhai, jờng rơ Satềp, gàr niam kơl jăp broă lơh ai cau lơh phan, cau lơh broă in, càr Kon Tum tam pà 2 rơbô 700 pò phan dong kờl cau lơh broă geh rài kis gơtìp kal ke mờ kờp jơh priă geh 1 tơmàn 350 tơlăk đong.

Phó Củ tịc Quốk hội đơs sùm Đảng, Dà lơgar, Quốk hội sùm ai nùs nhơm sền gròi, drơng gàr rài kis cau lơh phan, viên cứk, cau lơh broă in. Tàm broă lơh “Satềp tơrgùm-Nam pa ưn ngài Đảng”, Phó Củ tịc Quốk hội ồng Trần Quang Phương neh pà 50 nă cau lơh phan, viên cứk, cau lơh broă tàm càr Kon Tum geh rài kis gơtìp kal ke in.