Đơs tàm dơ̆ jàu pà phan pà, Phó Củ tịc lơgar mò Võ Thị Ánh Xuân đơs loh, càr Gia Lai mờ tiah Tây Nguyên là ù tiah geh gơnoar broă kwơmàng bè sền gàr dà lơgar- lơngăp lơngai, geh rài niam chài krơi is ngan bơh làng bol ală jơi bơtiàn dê.

Tơlik nùs nhơm chờ hờp tŭ lơh sa pơn jăt tai gàr bơta pràn gơguh, niam chài mpồl bơtiàn geh uă gơguh jak, Phó Củ tịc lơgar jờng rơ ală anih lơh broă geh gơnoar càr Gia Lai dê neh lời priă jền rlau 50 tơmàn đong sền gròi ai hìu bơnhă dờp bơta dong kờl bơh mpồl bơtiàn dê, ală rơnàng làng bol, làng bol jơi bơtiàn tiah sar lơgar ngài, cau lơh phan, cau lơh broă tàm dơ̆ Sa tềp bơhiàn dà lơgar nam Ất Tỵ 2025. Tàm broă lơh, Phó Củ tịc lơgar mò Võ Thị Ánh Xuân neh jaù pà 500 bơnah phan pà kờp priă 500 tơlak đong ai cau rƀah càr Gia Lai in.