Tàm broă lơh, Mpồl bơyai lơh neh jàu 50 bơnah phan pà sa tềp (tơl bơnah phan sa tềp giă 300 rơbô đong) pà cau rƀah, cau geh rài kis kal ke uă ngan tàm xã Hoà Thắng mờ ală tiah rềp bal in; bơto pơlam, cih mat dong kờl làng bol gơtìp ờ niam bè sề kàng nàng bơyai kham mờ sơm.

Ală cau gơtìp ală bơta ờ niam bè sề kàng rơ̆p geh jun rò tus anih tờm gah sề kàng dê, geh kham, bơto pơlam mờ sền gàr pràn kơl dang sề kàng ờ sa priă, dong kờl priă sa drim, xăng rơndeh tàm dơ̆ lòt kham sơn rờp mờ dong kờl bơh 30 tus 50% priă lơh ală broă sơm tàm ală dơ̆ pơn jat tai.