Do là jơnau kờñ Mpồl Cữ Thập đỏ càr geh ai tàm Dơ̆ lam sồr lơh srơh “Satềp kờñ gơboh” Nam pa Ất Tỵ 2025 geh bơyai lơh drim òr (09/01). Srơh “Satềp kờñ gơboh” nam pa Ất Tỵ 2025 tàm càr Dăk Lăk geh bơyai lơh bơh ngai 01 nhai 12 nam 2024, lơh geh uă ngan bơh ngai 07 tus ngai 27 nhai 1 nam 2025.

Ală kấp Mpồl Cữ thập đỏ tàm càr lơh ngan drơng gàr, dong kờl ờ uă ngan 35 rơbô 800 nă cau rơƀah, cau geh rài kis gơtìp kal ke, cau ƀuơn gơtìp aniai mờ kờp jơh priă lơh rơlao 18 tơmàn đong. Tơnơ̆ rơlao 1 nhai lam tă, neh geh mờr 100 mpồl lơh broă, cau dùl nă să, cau geh nùs nhơm niam sền gròi, kờñ bal tă rơlao 10 rơbô pò phan. Tàm dơ̆ lam sồr, ală mpồl lơh broă, cau geh nùs nhơm niam neh jào tơn priă dong kờl kờp jơh geh mờr 3 tơmàn đong. Mpồl bơyai lơh neh pà ală hìu rơƀah, hìu pa lik klàs rơƀah, hìu kal ke tàm ƀòn dờng Buôn Ma Thuột 600 pò phan Satềp.