Mpồl Cữ Thập đỏ càr Dăk Lăk gam jơh nùs lam lơh srơh “Sa tềp kờñ gơboh kòn bơnus” nam pa Ất Tỵ 2025 mờ uă broă lơh geh ngan, tơngŏ bơta sền gròi, tam pà bal mờ jơh mpồl bơtiàn gơwèt mờ cau geh sră dong kờl Dà lơgar, cau geh rài kis kal ke tàm ù tiah càr dê.

Sa tềp do, Mpồl Cữ Thập đỏ càr Dăk Lăk pơnđơl pràn lơh ngan sền gròi, dong kờl rlau 65 rơbô nă cau rƀah, cau geh rài kis kal ke, cau ƀuơn gơtìp aniai in. Nàng lơh geh jơnau kờñ geh ai, tŭ do ală kấp mpồl tàm càr gam jơh nùs hòi jà tă pơgồp bal bơh ală mpồl cau, cau dồ nă să, mpồl lơh sa kă bro lời priă jền tàm sơm bat tê bal sền gròi Sa tềp ai cau rƀah in. Mò Trần Thị Phương Thu, Phó Củ tịc Duh broă sùm Mpồl Cữ Thập đỏ càr Dăk Lăk pà gĭt: bơh ală broă lơh do, Mpồl kơ̆p kờñ ờ mìng dong kờl phan bơna lơm mờ gam lơh gơrề uă bơta kwơ dong kờl kòn bơnus, nùs nhơm tam pà bal, tam klăc bal tàm mpồl bơtiàn, dong tơl nă cau wă rò sa tềp lơngai lơngò, chờ hờp.