Jat hơ̆, Kụk Lơh sơnơm (Ƀộ Kwang àng) neh pơgồp bal mờ Hìu sơnơm 199, Hìu sơnơm 30/4, Kwang àng càr Dăk Lăk bơyai lơh kham, sơm kòp ai 300 nă cau geh sră dong kờl Dà lơgar, cau geh rài kis kal ke. Tàm do, neh bơyai lơh ală broă lơh dong kờl is, bè: Broă lơh “Rê mờ ƀòn lơgar”, dơ̆ pơrlòng “Rơngô tiang liang biàng” mờ tàm jàu broă lơh bơt bơtàu “Cơldŭ măi tíñ ai oh in” tàm  Hìu bơsram kấp 2 Ea Tiêu; sơnđờm ai ngui broă lơh “Sòl àng ƀòn lơgar” mờ “Gùng bồng bi Dà lơgar”.

Di dơ̆ do, Kwang àng càr Dăk Lăk kung neh ai cau lòt mblàng yal adat boh lam ntrờn làm bă tiah bè rơndăp tăp sèng lòt rê tàm gùng ù gờl, rcang lài kơryan rềs àr tài bơh phăo bơrtoh, bŭ dà; lơh niam wơl hìu niam chài mpồl bơtiàn; còp pà phan cau pròc mhàm cau ling chơ̆t màng mờ Kwang àng 2 xã Ea Tiêu mờ Ea K’tur, kơnhoàl Cư Kuiñ.