Jat hơ̆, khà phan pà 500 rơbô đông dồ nă cau gơwèt mờ kwang bàng, kông cứk, viên cứk, mpồl ling phàu crong, cau geh màng mờ Dà lơgar mờ ală cau geh broă dong kờl mpồl bơtiàn, khà priă 1 tơlak 300 rơbô đông dồ nă cau ai Mè Việt Nam Khin cha jak chài, cau ling khin cha jak chài mpồl ling phàu crong, cau ling sồt să, cau ling kòp tê jê să.

Bơdìh hơ̆, 138 anih lơh broă, mpồl lơh broă Ling klàng, kwang bàng, gah lơh broă brê bơnơm rơ̆p dờp phan pà kờp priă bơh 3 tus 7 tơlak đong. Kwang đơng lam bồ càr kung rơ̆p còp mờ jàu 54 bơnah phan pà ai cau geh cồng nha pơn rơ jak ngan mờ ală anih lơh broă, mpồl lơh broă tàm ù tiah càr dê. Di dơ̆ do, Anih duh  broă Mặt trận Dà lơgar Việt Nam mờ Mpồl Cữ thập đỏ càr rơ̆p hòi jà tă pơgồp tai priă jền nàng dong kờl ală hìu bơnhă rƀah mờ hìu bơnhă kal ke tàm tiah sar lơgar ngài, gàr niam tơl nă làng bol ndrờm geh Sa tềp chờ hờp, chờ hờñ, ram mhŭ.