Anih duh broă Làng bol càr Kon Tum neh tơlik jơnau lơh nền nàng dong kờl ală hìu rơƀah mờ pa lik klàs rơƀah in satềp nam pa Ất Tỵ. Tơl hìu rơƀah tàm càr Kon Tum geh dong kờl 600 rơbô đong mờ tơl hìu pa lik klàs rơƀah geh dong kờl 300 rơbô đong nàng Satềp nam pa Ất Tỵ.

Kờp jơh priă dong kờl tàm dơ̆ do là 6 tơmàn đong. Anih duh broă Làng bol càr Kon Tum sồr ală kơnhoàl, ƀòn dờng ngui jơnau rơcang lài bơh càr jào tàm nam 2025 dê nàng lơh. Gơwèt mờ priă dong kờl hìu pa lik klàs rơƀah tàm ală kơnhoàl, ƀòn dờng pơgồp bal mờ Anih duh broă Mặt trận Dà lơgar Việt Nam bal mờ kấp, mpồl lơh broă nàng hòi jà, dờp mờ tam pà bơh ală phan dong kờl bơh mpồl lơh broă, cau dùl nă să bơh Kes priă Tài cau rơƀah dê mờ lơh ndrờm bal broă ai bơh tàm kes priă nàng lơh. Lồi nam pa do, gùt càr Kon Tum gam 6 rơbô 557 hìu rơƀah (geh 4,31% pơn drờm mờ kờp jơh hìu rơƀah tàm gùt càr dê). Bè hìu pa lik klàs rơƀah gùt càr gam 5 rơbô 547 hìu (geh 3,65%).