Lam lơh ală broă lơh sền gròi, sền gàr gơnoar mờ bơta kwơ di pal bơh kwang bàng gah bơto bơtê mờ cau lơh broă, bơh bồ nam bơsram 2024-2025 tus tŭ do, Mpồl ala mat cau lơh broă gah bơto bơtê càr Dăk Lăk neh hòi jà tă pơgồp Kes priă dong kờl đoàn viên, cau lơh broă tàm mpồl ala mat cau lơh broă dê tàm jơh gùt càr geh rlau 500 tơlak đong.

Tàm dơ̆ Sa tềp bơhiàn Dà lơgar nam Ất Tỵ do, Mpồl ala mat cau lơh broă gah bơto bơtê càr Dăk Lăk bơyai lơh broă lơh tìp mat lơh kwèng đơs crih tam ya, siêu priă bồ nam pa mờ pơrjum sa tềp bơhiàn tàm kwang bàng gah bơto bơtê mờ cau lơh broă. Hòi jà tă pơgồp ală priă jền pà phan sa tềp ală kwang bàng cau pơgru mờ cau lơh broă geh rài kis kal ke, cau gơtìp kòp kơn jơ̆ in mờ kờp jơh priă jền ală bơnah phan pà dê là 600 tơlak đong.