Lơh jăt broă lơh “Cau mè ròng siam” geh Mpồl tam klăc cau ùr Việt Nam lam lơh, tus tŭ do tàm càr Dăk Lăk neh geh 870 nă kơnòm dềt kòn đời geh dờp ròng siam mờ rơlao 2 rơbô nă kơnòm dềt geh dong kờl phan bơna, pơn dờm pơn iang nùs nhơm mờ uă broă lơh, mờ kờp jơh priă geh mờr 10 tơmàn đong.

Tàm broă lơh ală kơnòm dềt neh tìp bal, tơrbŏ bal mờ ală cau mè ròng siam, tam pà bal bồ tơngoh kơlôi sơnơng mờ tơlik nùs nhơm gơwèt mờ cau gam sền gàr, dong kờl să tờm. Di tàm dơ̆ do, Mpồl bơyai lơh neh jào 66 pò phan pàală kơnòm bơsram geh khà bơsram jăk; Tơrbŏ bal ală mpồl lơh broă, cau dùl nă să, cau geh nùs nhơm niam dong kờl ròng siam 9 nă kơnòm dềtgeh rài kis gơtìp kal ke, pơn jăt tai lơh geh nuă nùs nhơm kờñ gơboh, dong kờl bal bè phan bơna bal mờ nùs nhơm, ai geh bơta pràn dong kờl ală kơnòm dềt sơrlèt mờ kal ke, lơh ngan bơsram sră jăk bal mờ tàm rài kis.