Di dơ̆ do, Mpồl cau gơtìp sơnơm khih dioxin lơh aniai Việt Nam neh jàu priă lơh sa pà 5 hìu bơnhă cau gơtìp sơnơm khih dioxin lơh aniai mờ 30 bơnah phan pà Sa tềp dong kờl ală cau gơtìp sơnơm khih dioxin lơh aniai. Kờp jơh priă ală phan pà dê là 86 tơlak đong. Tus tơn tàm hìu lùp còp mờ jàu pà phan Sa tềp bàr pe hìu bơnhă ơm tàm ƀòn drà dềt Pơng Drang, kơnhoàl Krông Búk, càr Dăk Lăk in, Trung tướng ồng Nguyễn Hữu Chính, Củ tịc Mpồl cau gơtìp sơnơm khih dioxin lơh aniai Việt Nam, neh pơndờm pơndiang, pơn jờng ală cau gơtìp sơnơm khih dioxin lơh aniai mờ hìu bơnhă pơn jat tai brồ guh tàm rài kis.

Tŭ do, càr Dăk Lăk geh 1 rơbô 418 nă cau gơtìp sơnơm khih dioxin lơh aniai gam dờp geh dong kờl priă nhai. Jơh ală cau gơtìp sơnơm khih dioxin lơh aniai do ndrờm gơtìp kal ke tàm rài kis. Di dơ̆ do, Mpồl cau gơtìp sơnơm khih dioxin lơh aniai càr Dăk Lăk neh hòi jà tă pơgồp bal jàu pà phan sa tềp tus mờ jơh ală 1 rơbô 418 nă cau gơtìp sơnơm khih dioxin lơh aniai, tơl bơnah phan pà kờp priă 200 rơbô đông, pơgồp bơnah dong ală hìu bơnhă geh tai ală bơta wă rò Sa tềp.