VOV4.K’Ho- Tàm càr Kon Tum broă lơh sền gròi sa tềp gam wèt tus tàm tiah sar lơgar ngài, tiah nhàr lơgar mờ ală làng bol geh rài kis kal ke.

VOV4.K’Ho- Drim ngai 24/01, Mpồl lơh broă Ƀộ Tư lệñ Tiah 3 ling dà lềng bơh Chuẩn Đô đốc Nguyễn Đăng Tiến, Ƀí thư Đảng ủy- Cíñ ủy Tiah 3 ling dà lềng lơh kwang atbồ mpồl bal mờ ala mat ală anih lơh broă, mpồl lơh broă, ală tiah, mpồl lơh sa kă bro tus còp, pà phan, nting bơr gờm chờ sa tềp ai kwang bàng, cau ling mờ làng bol gam lơh broă, ơm kis tàm kơnhoàl bồt Lý Sơn, càr Quảng Ngãi di dơ̆ nam pa Giáp Thìn 2024.

VOV4.K'Ho - Mờ jơnau đơs ai tiah jơi bơtiàn dồ êt nă cau lơh tờm bơh ală broă lơh tơrmù rƀah, nam 2023 pa do, càr Gia Lai neh lam lơh ai càn priă cíñ sác xã hội, dong kờl git nđờ jơt rbô hìu bơnhă geh priă nàng bơcri lơh sa, brồ guh lik klàs rƀah.

VOV4.K’Ho- Phó Thủ tướng Cíñ phủ Trần Lưu Quang ala măt kwang đơng lam bồ Đảng, Dà lơgar pà phan ală hìu bơnhă cíñ săc, cau geh màng mờ dà lơgar, hìu rƀah, đoàn viên kông đoàn tàm ù tiah ƀòn dờng Hải Phòng di dơ̆ sa tềp bơhiàn yau dà lơgar dê nam Giáp Thìn 2024.

VOV4.K’Ho- Thủ tướng Phạm Minh Chính bal mờ pơ ùr mờ mpồl ala măt kwang bàng kâp dờng lơgar Việt Nam neh rê bơh lơgar Romania, tơn jơh niam bơnĕ dơ̆ lòt lơh broă tus bal Pơrjum WEF Davos, còp ngan ngồn lơgar Hungary mờ Romania.

VOV4.K’Ho- Tàm bơta kal ke bal bơh lơh sa dunia mờ tàm lơgar dê, ală cau gĭt wă jrô bè gah lơh sa kung gam đơs sơl là, gơguh lơh sa lơgar Việt Nam dê nam 2024 pơn jăt tai là anih pơnrơ àng bơh lơh sa gùt plai ù dê. Bơta kwơmàng là lơgar Việt Nam kờñ pal sơlơ tơnguh tai jơnau tơl pràn lơh pa ală bơta gơn kơnờm gơguh lơh sa ờs mờng bơh lài mờ jòi, ngui geh cồng nha ală bơta gơn kơnờm gơguh lơh sa pa. Jăt mờ hơ̆, uă broă lơh neh geh ală cau gĭt wă jrô gah lơh sa sồr, tàm hơ̆ đơs wih đơs wơl gơnoar broă dong kờl bơh gùng dà broă lơh, adat boh lam dê mờ lơh jăt dồ bă pràn kơldang ală bơta gơn kơnờm gơguh lơh sa pa.

VOV4.K’Ho- Xã Hra, kơnhoàl Mang Yang neh là tiah tờm bè jat yàng ờ ngan Hà Mòn bơh càr Gia Lai dê. Kơnờm sền gròi bơt bơtàu mpồl đảng, tơnguh uă cồng nha mpồl cau đảng viên, gàr niam bơta đơng lam tơl làm bơh đảng dê, uă nam do xã Hra sùm gàr niam lơngăp lơngai, rài kis lơh sa bơh làng bol dê ngai sơlơ geh bơtàu tơnguh.

VOV4.K'Ho- Mờ nùs nhơm rơcang lài, geh kơnòl, Pơrjum nisơna dơ̆ 5, Quôk hội khoă XV neh lơh geh cồng nha niam bơnĕ. Quôk hội neh ring bal 2 Adat boh lam mờ 2 Nghị quyết, tàm hơ̆ geh 2 adat boh lam kuơmàng ngan là Adat ù tiah (tam gơl) mờ Adat ală Mpồl ai càn priă (tam gơl).

VOV4.K'Ho - Mho ngai 19/01, di dơ̆ rơcang wă rò nam pa Giáp Thìn 2024, ồng Phan Đình Trạc, Kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ Ƀan Nội cíñ dà lơgar mờ mpồl kwang bàng bơh dà lơgar dê neh lòt còp mờ pà phan sa tềp tàm càr Cà Mau.

VOV4.K’Ho- Mho ngai 18/01, Củ tịc Quôk hội Vương Đình Huệ lòt còp, pà phan cau lơh phan tàm Kông ty JA Solar Việt Nam in tàm Tiah lơh sa mờ măy mok Quang Châu, kơnhoàl Việt Yên, càr Bắc Giang.