K'HO.VOV.VN - Cao Bằng là càr tiah kơh bơnơm geh gùng tiah nhàr lơgar jòng, ù tiah kal ke ngòt rơngơ̆t bal mờ bơta lik mŭt tàm lơgar tìs mờ adăt boh lam gơbàn kal ke. Bal mờ hơ̆, tàm bàr pe kơnhoàl ù tiah rài kis làng bol dê gam kal ke, bồ tơnggoh gĭt wă ờ hềt uă…do là ală jơnau ƀươn ngan ai ală cau lơh tìs tăc blơi cau in lơh broă. Lam lơh Rơndăp broă lơh 08, Mpồl Tam klăc Cau ùr càr Cao Bằng neh sền gròi bơyai lơh ală broă lơh tơrlòng lài mblàng yal jơnau rơcăng, kơryan tăc blơi cau.

K’Ho- Tàm bơta măi mok pa ngai sơlơ geh gơnoar kwơ màng tàm ală gah broă tàm rài kis lơh sa mpồl bơtiàn, dùl ơdŭ bơto tin họk ờ sa priă neh geh lơh tàm ƀòn dờng Pleiku, càr Gia Lai, gam cèng geh uă bơta niam nàng geh bơsram jơnau git wă pa ai làng bol in. Hơ̆ là ơdŭ “Tin họk Cơl dŭ lơh broă ờ sa priă jơh tơn” geh Anih bơsram sră mpồl bơtiàn sơnah ƀòn Chi Lăng, ƀòn dờng Pleiku pơgồp bal mờ Hìu bơsram kấp pe Chi Lăng bơyai lơh.

VOV4.K’Ho- Pa do, Kwang bàng Ƀộ Cíñ trị, Ƀí thư Đảng Dà lơgar, Kwang ătbồ Mpồl Nội cíñ Dà lơgar ồng Phan Đình Trạc bal mờ Mpồl Cau ala măt Quôk hội càr Lâm Đồng dê neh tìp măt cau tĕ khà tàm bàr pe tiah tàm càr. Cau tĕ khà neh yal wơl, đơs uă broă kwơmàng, bè bơta tam pìt tam phà ù tiah jŏ jòng đah làng bol mờ ală anih lơh broă sa sươn sre brê bơnơm, mpồl lơh sa kă bro, bơta dong kờl gơ wèt mờ mpồl mìng lơh dồ kơnòl broă sền gàr brê.

VOV4.K’Ho- Kơnhoàl Tu Mơ Rông, càr Kon Tum geh rlau 58 rbô lồ brê, bă ù geh brê geh mờr 68%. 04 nam do, bal mờ ătbồ sền gàr niam bă brê gam geh tŭ do, bơh uă bơta priă jền mờ bơta tus bal jơh nùs bơh làng bol dê, kơnhoàl Tu Mơ Rông neh tam pa geh rlau 2 rbô lồ brê mờ rlau 1 tơlak 200 rbô tờm chi rah rài. Glòm tơlir ù lời gời grồi bơnơm làc geh kơnhoàl gĭt nền là broă lơh bơh sơnrờp kwơmàng nàng bơtàu tơngguh lơh sa brê, lơh geh broă lơh broă sa kơ̆ kơl jăp ai gĭt nđờ jơ̆t rbô nă kòn cau Sơdàng in, mùl geh tus rlau 95% khà kờp làng bol kơnhoàl dê.

VOV4.K’Ho- Càr Kon Tum pa geh jơnau lơh nền tam pà rlau 1 rơbô 145 tấn phe, nàng dong kờl ai rlau 15 rơbô 300 nă kơnòm bơsram dờp geh bơta dong kờl jat Jơnau lơh nền bơh Cíñ phủ dê sồr bè broă dong kờl kơnòm bơsram mờ hìu bơsram kấp pe tàm xã, thôn kal ke uă ngan in.

VOV4.K’Ho- Pa do, tàm hìu pơrjum Diên Hồng, hìu Quôk hội dê neh geh lơh dơ̆ lùp mờ hơ jơnau lùp tàm dơ̆ pơrjum lơh pơnyơu “Quôk hội kơnòm dềt” dơ̆ II nam 2024. Củ tịc Quôk hội ồng Trần Thanh Mẫn tus bal pơrjum lơh pơnyơu. Rlau 300 nă cau ala măt Quôk hội kơnòm dềt tus bơh 63 càr mờ ƀòn dờng tus bal dơ̆ pơrjum neh tơlik bơta kơ̆p kờñ bơh ală cau tĕ khà kơnòm dềt dê bal gơ wèt mờ 2 broă “Rơcăng lài, kơryan tam lơh tam pờng tàm hìu bơsram” mờ “Rơcăng lài kơryan gơ aniai bơh jràu, phan lơh gơdan dê ngan là tàm tiah hìu bơsram”.

VOV4.K’Ho- Pa do, Anih Jơnau đơs Việt Nam (VOV) geh jơnau cih yal wơl bè bơta gơkòl, hoàc hươr bơh gĭt nđờ rhiang hìu làng bol xã Trà Vinh, càr Quảng Nam dê ơm kis tàm ù tiah xã Đăk Nên, càr Kon Tum. Bơta geh ngan do neh gơ dŏ jòng gĭt nđờ jơ̆t nam lơh gơnoar ătbồ bơh jơh bal bàr càr: Kon Tum mờ Quảng Ngãi ndrờm tìp kal ke tàm broă lơh ătbồ. Mơya broă dờng rlau là 235 hìu, mờr 1 rbô 100 nă làng bol neh ờ gơtùi dờp lèng geh ală bơta kwơ dipal, tài bơh uă broă dong kờl bơcri priă bơh Dà lơgar dê lời ai tiah kal ke in neh ờ gơtùi lam lơh.

VOV4.K’Ho- Ală nam pa do, tơrmù rƀah kơ̆ kơl jăp là dùl tàm ală kơnòl broă tờm bơh ƀòn dờng Pleiku, càr Gia Lai dê.

VOV4.K’Ho- Ngai òr (01/10), Mpồl kwang bàng lơh broă bơh Anih duh broă Jơi bơtiàn geh ồng Y Vinh Tơr, Kwang geh jơng tàm mpồl rơcang mŭt Đảng Dà lơgar, Phó Củ ñiệm Anih duh broă Jơi bơtiàn lam bồ mpồl neh lơh jăt broă sền swì, jăt sền, nàng git broă lơh jăt Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm tàm càr Kon Tum.

VOV4.K’Ho- Drim òr (30/09), tàm Hà Nội, Cơl dŭ lơh broă Củ tịc lơgar pơgồp bal mờ Ƀộ Kwang àng mờ ală anih lơh broă geh gơrềng pơrjum ƀăo yal Jơnau lơh nền toh glài jàm nam 2024 bơh Củ tịc lơgar dê.