VOV4.K'Ho- Geh 40 hìu rơƀah, hìu pa lik klàs rơƀah kòn cau Sơdàng tàm 2 sàh Đăk Na mờ Văn Xuôi, kơnhoàl Tu Mơ Rông, càr Kon Tum geh dong kờl ờ sa priă 3 rơbô 320 tờm sơntìl kơnuh sơnơm Ngọc Linh nàng tam bơtàu tơnguh lơh sa hìu nhă.

VOV4.K'Ho- Kờp jơh khà priă nàng càr Kon Tum tơn jơh hìu ing, hìu ồm sèt ñhăt dà mìu là rơlao 141 tơmàn 500 tơlăk đong mờ tŭ do càr gam ờ tơl rơlao 54 tơmàn 700 tơlăk đong.

VOV4.K’Ho- Tàm Hìu Quôk hội dê pa geh lơh Pơrjum Mpồl Lơh kơnòl broă sùm Quôk hội mờ Mpồl Lơh kơnòl broă sùm Anih đơng lam Đảng Cíñ phủ bè Dơ̆ pơrjum ờ bè ờs dơ̆ 09, Quôk hội khoă XV. Do là dar pơrjum bơh sơnrờp bơh Lơh kơnòl broă sùm Anih duh broă đơng lam Đảng Quôk hội mờ Lơh kơnòl broă sùm Anih duh broă đơng lam Đảng Cíñ phủ dê. Củ tịc Quôk hội ồng Trần Thanh Mẫn mờ Thủ tướng Cíñ phủ đơng lam pơrjum.

VOV4.K’Ho- Anih duh broă Làng bol càr Dăk Lăk pa ai lơh jat Ală jơnau neh lơh nền tơn jơh hìu lơh ing, hìu sèt ñhăt dà mìu ai hìu bơnhă rƀah, hìu bơnhă pa lik klàs rƀah tàm ù tiah càr dê tàm nam 2025, mờ jơnau kờñ lơh 4 rơbô 285 nơm hìu pa mờ lơh niam wơl 1 rơbô 120 nơm hìu dong ală hìu bơnhă geh rài kis kal ke.

VOV4.K’Ho- Ngai 05/02, Mpồl Sồr lơh lam lơh tơn jơh hìu ing, hìu ồm sèt ñhăt dà mìu càr Dăk Nông dê pơrjum dar dơ̆ dùl mờ ơn jơnau kờñ 07 nhai tơn jơh 540 nơm hìu ing.

VOV4.K’Ho- Ngai 10/01/2025, Đảng mpôl Quôk hội neh ai lơh jăt broă rơndăp lơh lơh broă nàng lơh jăt Jơnau lơh nền tàm pơrjum sồ 57 bơh Ƀộ Cíñ trị dê bè tam gơl pràn bơtàu tơngguh jak chài, măy mŏk, tam gơl pa bơceh lơh mờ tam gơl sồ dà lơgar. Đơs tàm pơrjum lam lơh Jơnau lơh nền tàm pơrjum 57 do, Củ tịc Quôk hội ồng Trần Thanh Mẫn pà gĭt, rơ̆p pơn jăt tai tam gơl pa pràn kơldang, tơnguh uă bơta niam, cồng nha lơh broă, sền gròi lơh jăt ală kơnòl broă do.

VOV4.K’Ho- Bal mờ làng bol jơh gùt lơgar, làng bol tàm ală ƀòn lơgar bơh kơnhoàl tiah nhàr lơgar Tuy Đức, càr Dăk Nông kung gam hô hơng wă rò sơnam pa mờ bơta dòn kơ̆ bè dùl nam lơh geh cồng nha dờng, bal mờ Dà lơgar cơn đoà kơ̆ mut tàm rài pa, rài brồ să bơh jơi bơtiàn dê.

VOV4.K’Ho- Phó Củ tịc Quôk hội, Thượng tướng ồng Trần Quang Phương bal mờ mpồl lơh broă bơh Dà lơgar dê p tus còp, nting bơr chờ gờm Sa tềp ai kwang bàng, cau ling mờ làng bol bàr pe tiah tàm tiah nhàr lơgar gơ wèt 2 càr: Dăk Nông mờ Dăk Lăk. Phó Củ tịc Quôk hội đềt mềr jơh nùs ngan lùp còp, nting bơr chờ gờm Sa tềp ală kra ƀòn mờ sồr mpồl phàu crong tam klăc đềt mềr nùs nhơm ling klàng làng bol, pơn jăt tai lơh jăt niam ală broă lơh tơrlòng lài geh cồng nha bè đảng viên pơrjum mờ ci ƀộ thôn tiah nhàr lơgar, “Sơnam pa sền gàr tiah nhàr lơgar ram nùs làng bol ƀòn lơgar”, “Kòn ròng pôs đồng ling sền gàr tiah nhàr lơgar”, “Yờ cơnđoà jơng oh tus hờ klờng”.

VOV4.K’Ho- Ală ngai do tàm jơh gơl gùng tiah nhàr lơgar jòng 292 kơi sồ rềp nhàr bal mờ lơgar Lào mờ Campuchia, làng bol 13 xã tiah nhàr lơgar tàm càr Kon Tum gam hơ hưng nùs nhơm rcang wă rò Sa tềp bơhiàn Dà lơgar. Tàm jơnau ntas cing mồng mpoong tus, dà bồng bi pơrhê bơnĕ bơnài bal mờ bơta dơ ñiŏ bơh làng bol ală jơi bơtiàn tàm tiah do dê lơh geh rùp rài nam pa hô hơng mờ ram mhŭ. Sa tềp ờ mìng là dơ̆ bơtòm tơrgùm, mờ gam là tŭ nàng tam pà bal, tam klăc bal nùs nhơm ling klàng làng bol, lơh gơ rề uă bơta chờ hờp tiah gơl gùng lam lài Dà lơgar dê.

VOV4.K’Ho- Rcang wă rò Sa tềp bơhiàn Dà lơgar nam Ất Tỵ uă hìu bơnhă kal ke tàm tiah Tây Nguyên tus ơm tàm hìu ơm pa. Do là phan pà geh kwơ ngan, cèng wơl bơta chờ hờp mờ bơta gơn kơnờm ai tơl hìu bơnhă in lài mờ sơnam pa Ất Tỵ tus.