VOV4.K'Ho- Ngai òr (25/02), Kwang àng càr Gia Lai bơyai dơ̆ sơn đờm mŭt lơh, jào pà hìu mờ jào priă bơh Ƀộ Kwang àng dê dong kờl tàm broă lơh tus bal tơn jơh hìu ing, hìu ồm sèt ñhăt dà mìu tàm càr in.

VOV4.K’Ho- Mpồl Sền gàr dong kờl cau kuĕt kơlte mờ Sền gàr Gơnoar kơnòm dềt càr Dăk Lăk neh bơyai lơh jàu pà 100 bơnah priă bơsram dong ală kơnòm bơsram kuĕt kơlte mờ kơnòm kòn đời geh rài kis kal ke tàm ƀòn dờng Buôn Ma Thuột.

VOV4.K’Ho- Jơnau yal bơh Anih duh broă Làng bol càr Dăk Lăk dê, tus tŭ do, ală mpồl lơh broă, ƀòn lơgar tàm càr neh hòi tơrgùm geh kờp jơh priă tă lơh rlau 193 tơmàn đong nàng lơh jăt broă lơh tơn jơh hìu ing, hìu ồm sèt ñhăt dà mìu ai hìu rƀah, hìu pa jơh rƀah in.

VOV4.K’Ho- Poh lài, bơh bơta đơng lam bơh Củ tịc Quôk hội ồng Trần Thanh Mẫn dê, Anih duh broă Lơh kơnòl broă sùm Quôk hội neh pơrjum sền swì, ring bal Jơnau lơh nền tàm pơrjum bè kơnòl broă, gơnăp gơnoar loh làng mờ rơndăp tăp sèng bơh Mpồl duh broă Jơi bơtiàn, ală Anih duh broă Quôk hội dê. Dar pơrjum geh lơh tơnơ̆ tŭ Anih duh broă Lơh kơnòl broă sùm Quôk hội geh pồ tơl tàm Dơ̆ pơrjum ờ bè ờs dơ̆ 09, Quôk hội khoă XV. Bơh hơ̆, gĭt nền loh kơnòl broă, gơnăp gơnoar, rơndăp tăp sèng ală anih lơh broă Quôk hội dê.

VOV4.K'Ho- Ngai (01/03) tus do, ală tiah tàm càr Dăk Lăk rơ̆p dơ̆ lĕ bal mŭt lơh 4 rơbô 285 nơm hìu jăt Ală jơnau neh lơh nền sồ 214 bè tơn jơh hìu sèt, hìu ồm ñhăt dà mìu, dong kờl ală hìu rơƀah, hìu pa lik klàs rơƀah tàm càr in.

VOV4.K'Ho- Bơto tai, bơsram tai là jơnau kờñ mờ là jơnau kơ̆p kờñ di pal ngan bơh dùl mpồl kơnòm bơsram bal mờ cau pơgru dê. Mơya, bơdìh ờ broă lòt bơsram is, kung sùm gơtìp mờ bơta ờ niam là rồn bơ klơn kơnòm bơsram lòt bơsram tai mờ uă broă lơh krơi is. Bơh ngai 14 nhai 2 nam 2024, Jơnau bơto pơlam sồ 29 bơh Ƀộ Bơto bơtê mờ Bơsram geh jơnau ai bè broă bơto tai, bơsram tai mùl màl geh ngui. Di lah pơn drờm mờ jơnau geh ai tŭ do, jơnau bơto pơlam do geh uă bơta pa, hòi jà broă tus bal mờ lơh geh uă jơnau đơs ờ ndrờm bal tàm tơngai do. Ƀộ Bơtê bơto mờ Bơsram đơs nền, nùs nhơm bơh Ƀộ dê là ờ kơrian broă bơto tai, bơsram tai, mơya pal geh ală jơnau geh ai di pal nàng atbồ niam rơlao broă bơto tai, bơsram tai tàm hìu bơsram mờ bơdìh hìu bơsram:

VOV4.K’Ho- Drim òr (18/02), mờ 463 tàm 465 nă cau ala mat Quôk hội lĭp ring bal (geh 96,86% kờp jơh khà cau ala mat Quôk hội dê), Quôk hội neh ring bal Adat Rơndăp Cíñ phủ (tam gơl).

VOV4.K'Ho- Mpồl ling sền gàr tiah nhàr lơgar càr Kon Tum gam lơh ngan hòi jà uă bơta pràn nàng dong kờl tai priă bal mờ ngai lơh nàng làng bol lơh geh ală hìu dờng niam, kơl jăp rơlao tàm tiah nhàr lơgar.

VOV4.K’Ho- Tàm Dơ̆ pơrjum ờ bè ờs dơ̆ 09, Quôk hội khoă XV, poh lài ală cau ala măt cribơyai tàm jơnum bè ală rơndăp broă: Adăt Rơndăp Cíñ phủ (tam gơl); Adăt Rơndăp Gơnoar ătbồ ƀòn lơgar (tam gơl) mờ Jơnau rơcăng cih Jơnau lơh nền tàm pơrjum Quôk hội dê cih bè bơsong bàr pe broă gơrềng tus rơndăp tăp sèng mpồl cau mpồl lơh broă dà lơgar dê. Bơta niam nùs bơh cau làng bol dê mờ gơguh lơh sa là gai was sền swì pràn jak lơh broă, cồng nha lơh broă mờ geh cồng nha bơh Cíñ phủ, kâp gơnoar ătbồ dê mờ là jơnau kờñ dờng ngan rlau jơh, là anih tus tŭ tam gơl ală adăt do.

VOV4.K'Ho- Bơh bồ nam do, ală tiah tàm Tây Nguyên neh lơh jăt gùng dà broă lơh tơn jơh hìu ing, hìu ồm ñhăt dà mìu ai làng bol in. Jăt mờ hơ̆, càr Lâm Đồng neh lơh rơlao 1 rơbô nơm hìu, mờ càr Gia Lai lơh ngan lơh gơs di pơgăp 8 rơbô 500 nơm hìu tàm 6 nhai bồ nam do.