VOV4.K'Ho- Poh lài, tềng đap bơta đơng lam bơh Củ tịc Quôk hội Vương Đình Huệ dê, Ủy ƀan Thường vụ Quôk hội neh bơyai lơh pơrjum dơ̆ 29. Tàm dơ̆ pơrjum do, Ủy ƀan Thường vụ Quôk hội ai jơnau đơs tàm uă tơngume kuơmàng, tàm hơ̆ geh broă lơh rơcang lài ai dơ̆ pơrjum nisơna dơ̆ 5 in, ai jơnau đơs bè jơnau rơcang cih Adat Ù tiah (tam gơl) mờ Adat ală ngân hàng (tam gơl), ai jơnau đơs bè jơnau rơcang cih Nghị quyết bè 2, 3 gùng dà, broă lơh, broă dong kờl krơi is nàng tă bơsong kal ke, kòl yan, tơnguh mhar tơngai lam lơh ală broă lơh jơnau kờñ dà lơgar.

VOV4.K’Ho- Gam ờ tus 4 poh tai là tus Satềp Giáp Thìn. Tơngai do, Ƀan Ƀí thư, Cíñ phủ kung bè Thủ tướng Cíñ phủ ndrờm geh sră nggal đơng lam nàng gàr niam, drơng rài kis làng bol geh wă rò Nam pa chờ hờp, hờm ram. Ală Ƀộ, gah lơh broă gơrềng bal, ală càr, ƀòn dờng kung neh lơh jăt ală broă drơng gàr satềp cau rơƀah kung bè ală cau ờ pràn, cau geh mpồl bơtiàn dong kờl bal mờ cau geh màng mờ dà lơgar.

VOV4.K’Ho- Thiếu tá geh griăt ờs mờng Lê Thị Minh Thủy (Mpồl đo was bơceh wăc sềr dà lềng mờ kơlôi sơnơng dà lềng, Ƀộ Dong broă Ling Dà lềng) neh bal mờ cau ling bal sền sơ wì gĭt nđờ rơhiang pang sră wăc sềr dà lềng sồ; bơceh lơh ală măi mok lơh gơlik ală jơnau kơnhoàl ù tiah mờ lơh gơlik sră wăc sềr ù tiah tơr è dà lềng... Ală broă lơh ờ mìng sồr pal geh bơta nền nòn, di pal ngan mờ gam pal geh gơnoar broă kwơ màng, pơgồp bơnah lơh kơnòl broă sền gàr gơnoar tờm dà lềng, bồt bơlào Dà lềng.

VOV4.K'Ho- Git nđờ rơhiang bơnah phan geh kuơ neh geh jàu ai ală hìu bơnhă làng bol geh rài kis kal ke tàm kơnhoàl Cư Kuiñ in, gơwèt broă lơh Drà sa tềp kờñ gơboh bal kòn bơnus nam 2024 bơh Mpồl Cữ thập đỏ càr Dăk Lăk lam lơh.

VOV4.K’Ho- Ủy ƀan Ñân zân càr Dăk Lăk pa ai lơh jat broă rơndăp lơh ai priă jền còp mờ pà phan ală mpồl cau, cau dùl nă să tàm tơngai sa tềp Giáp Thìn nam 2024.

VOV4.K'Ho- Bal mờ ală broă dong kờl, broă lơh tơrmù rƀah bơh Đảng, Dà lơgar dê, càr Gia Lai neh hòi jà jơh gùt anih lơh broă cíñ trị lam lơh uă broă lơh dipal mờ bơta geh ngan bơh tơl tiah dê, dong hìu bơnhă rơƀah bơtàu tơnguh lơh sa, tơnguh priă jền lơh geh, tơnguh niam rài kis, kơnờm bơh hơ̆ khà hìu bơnhă rƀah neh gơmù rơhời jat pah nam. Mìng is nam2023, jơh gùt càr geh rlau 9 rbô hìu bơnhă jơh rƀah, tàm hơ̆ geh rlau 8 rbô hìu bơnhă jơi bơtiàn dồ êt nă cau, ai broă lơh tơrmù rƀah tàm càr lơh geh cồng nha jơnhua rlau mờ broă jàu geh ai tơlik.

VOV4.K'Ho- Kơnờm geh bơta sền gròi tus broă lơh rơcang lài cau tơmut Đảng, bơta niam đảng viên pa mut Đảng là cau jơi bơtiàn dồ êt nă cau tàm kơnhoàl Lăk, càr Dăk Lăk ngai sơlơ geh tơnguh. Bơta do ờ mìng pơgồp bơnah lơh kơ̆ kơljap anih lơh broă cíñ trị tàm kâp hơ đơm, tơnguh pràn jak đơng lam bồ, bơta pràn lơh broă bơh mpồl lơh broă Đảng mờ đảng viên dê mờ gam rơhời sơlơ tơnguh tai bơtàu tơnguh lơh sa - mpồl bơtiàn, tơnguh niam rài kis phan bơna, nùs nhơm ai làng bol in.

VOV4.K’Ho- Tàm Pơrjum dờng Mpồl cau bơsram dờng lơgar Việt Nam dơ̆ XI pa geh bơyai lơh nhai 12 nam 2023 pa do, uă cau ala mat neh tơngŏ bơta kơ̆p kờñ, nùs nhơm bơh cau bơsram dờng lơgar Việt Nam dê tàm broă lơh bơt bơtàu mờ sền gàr Dà lơgar. Kơ̆p jờñ mờ geh ală jơnau bơceh lơh nàng bơt bơtàu Mpồl cau bơsram dờng Dà lơgar dê kơ̆ kơl jăp.

VOV4.K'Ho - Jat jơnau kờp dŭ lài pơrjum nisơna dơ̆ 5, Quôk hội sền sơ wì ring bal Rơndap lơh Adat ù tiah (tam gơl). Bulah bè hơ̆, Ủy ƀan Lơh sa bơh Quôk hội dê đơs là: khà broă uă, tŭ tơngai jal mhar ngan, broă yal Quôk hội pờ tê ring bal là dùl bơta gơ lòng ngan. Củ tịc Quôk hội Vương Đình Huệ den đơs nền: Ờ gơtùi tơn jŏ tai tơngai ring bal Adat ù tiah (tam gơl).

VOV4.K’Ho- Mờ jơnau kờñ tam gơl pa sùm, nam 2023, lơh broă jăt sền bơh Quốk hội neh geh lơh ndrờm bal, tơl ală bơta, Quốk hội neh ngui jơh ală broă lơh jăt sền dờng ngan rơlao jơh bơh Quốk hội dê di mờ adăt boh lam bè: Sền wơl jơnau yal bơh ală anih lơh broă dà lơgar; lùp mờ hơ jơnau lùp; jăt sền mìng dùl tơngu me; ai sră pồ pin dờn;… ai gŏ bơta gơrềng bal uă bè nùs nhơm lơh broă niam, pơgồp bal lơh geh bơta tam gơl tơl ală bơta bè jơnau git wă, kơnòl broă bơh ală kấp, ală gah broă bal mờ broă geh jăt sền. Ngai do, Tơnkah 78 nam ngai bơyai lơh Tĕ khà Quốk hội sơnrờp ngan (06/01), geh jơnau cih sền wơl lơh broă jăt sền nam 2023 bơh Quốk hội dê: