VOV4.K’Ho- Xã Hra, kơnhoàl Mang Yang neh là tiah tờm bè jat yàng ờ ngan Hà Mòn bơh càr Gia Lai dê. Kơnờm sền gròi bơt bơtàu mpồl đảng, tơnguh uă cồng nha mpồl cau đảng viên, gàr niam bơta đơng lam tơl làm bơh đảng dê, uă nam do xã Hra sùm gàr niam lơngăp lơngai, rài kis lơh sa bơh làng bol dê ngai sơlơ geh bơtàu tơnguh.

VOV4.K'Ho- Mờ nùs nhơm rơcang lài, geh kơnòl, Pơrjum nisơna dơ̆ 5, Quôk hội khoă XV neh lơh geh cồng nha niam bơnĕ. Quôk hội neh ring bal 2 Adat boh lam mờ 2 Nghị quyết, tàm hơ̆ geh 2 adat boh lam kuơmàng ngan là Adat ù tiah (tam gơl) mờ Adat ală Mpồl ai càn priă (tam gơl).

VOV4.K'Ho - Mho ngai 19/01, di dơ̆ rơcang wă rò nam pa Giáp Thìn 2024, ồng Phan Đình Trạc, Kwang geh jơng tàm Ƀộ Cíñ trị, Ƀí thư Đảng dà lơgar, Kwang atbồ Ƀan Nội cíñ dà lơgar mờ mpồl kwang bàng bơh dà lơgar dê neh lòt còp mờ pà phan sa tềp tàm càr Cà Mau.

VOV4.K’Ho- Mho ngai 18/01, Củ tịc Quôk hội Vương Đình Huệ lòt còp, pà phan cau lơh phan tàm Kông ty JA Solar Việt Nam in tàm Tiah lơh sa mờ măy mok Quang Châu, kơnhoàl Việt Yên, càr Bắc Giang.

VOV4.K’Ho- Gam 20 ngai tai là tus satềp Giáp Thìn. Tơngai do, kwang đơng lam Đảng mờ Dà lơgar neh tus còp mờ pà phan satềp ai kông ñân, cau lơh broă tàm tiah Tây Nguyên in.

VOV4.K’Ho- Mờr tus tơngai sa tềp Giáp Thìn, tàm tơngai ap do, mpồl ling sền gàr tiah nhàr lơgar ală càr tàm tiah Tây Nguyên neh bơyai lơh broă lơh “Nam pa mpồl ling sền gàr tiah nhàr lơgar- Ram mhŭ nùs nhơm làng bol ƀòn lơgar” mờ uă broă lơh geh kwơ nàng bal mờ làng bol ală tiah gàr niam lơngap lơngai mờ chờ hờp sa tềp wă rò nam pa. Bơh hơ̆, sơlơ tơngŏ nùs nhơm tam klăc bal đềt mềr bơh “Cau ling Wa Hồ” mờ làng bol tiah nhàr lơgar dê.

VOV4.K'Ho- Ală ngai do, tàm tiah nhàr dà lơgar, mpồl ling sền gàr tiah nhàr dà lơgar càr Gia Lai neh lam lơh uă broă lơh geh kuơ nàng bal mờ làng bol tàm càr sền gàr lơngăp lơngai mờ chờ hờp wă rò sa tềp

VOV4.K’Ho- Drim òr (16/01), Phó Thủ tướng Cíñ phủ Trần Hồng Hà bal mờ Mpồl kwang bàng lơh broă bơh Dà lơgar neh tus Broă lơh “Satềp tơrgùm-Nam pa tam pà bal” tàm càr Kon Tum.

VOV4.K’Ho- Drim òr (16/01), tàm Pơrjum ni sơna dơ̆ 5, Cíñ phủ yal rơndăp broă cih Nghị quyết bơh Quốk hội dê bè ờ uă kơrnoăt, broă lơh krơi is lơh jăt ală jơnau kờñ dà lơgar dê.

VOV4.K’Ho- Là kơnhoàl tiah nhàr dà lơgar càr Kon Tum dê, Huyện ủy Sa Thầy sùm sền kwơ tàm broă bơ̆t bơtàu Đảng tàm tiah ƀòn lơgar mờ tiah làng bol jơi bơtiàn ờ gal cau. Mờ gùng dà broă lơh, bơ̆t bơtàu Ci ƀộ pràn kơl dang pơgồp bal mờ bơtàu tơnguh lơh sa mpồl bơtiàn ƀòn lơgar, ală Ci ƀộ ƀòn lơgar mờ tơl nă đảng viên mùl màl là ală cau lam lài tàm broă bơ̆t bơtàu ƀòn lơgar pa, bơtàu tơnguh lơh sa.