VOV4.K’Ho- Bal mờ kơnòl broă sền gàr pràn kơl dang să jan ai kwang àng, cau ling sền gàr tiah nhàr lơgar, ală cau lơh sơnơm Mpồl ling sền gàr tiah nhàr lơgar càr Gia Lai dê gam tus bal sền gàr pràn kơl dang să jan ai làng bol tàm ƀòn lơgar. Gơwèt mờ ală cau lơh sơnơm cèng griăt tơlir, dong kờl làng bol tàm tiah nhàr lơgar ờ mìng kham- sơm kòp lơm mờ gam mblàng yal, hòi jà làng bol wă wờng rlau tai bè broă sền gàr pràn kơl dang să jan, rcang lài kơryan kòp, lơh kơ̆ kơl jăp tai bơta pin dờn bơh làng bol dê gơwèt mờ mpồl ling sền gàr tiah nhàr lơgar.

VOV4.K’Ho- Mpồl duh broă Làng bol càr Gia Lai pa ai lơh jat Jơnau lơh nền tàm pơrjum bè broă lơh dong kờl, gơ hòi gơ jà mờ bơto bơtê mpồl ƀák sĩ tàm ală hìu sơnơm Dà lơgar tơngai lơh broă bơh nam 2025-2030.

VOV4.K'Ho- Ngai òr (17/12), Ling mpồl 15 bơyai lơh ai ngui mờ jào pà 3 nơm hìu rông niam chài pà làng bol kòn cau Jrai kis tàm 3 xã tiah nhàr lơgar càr Gia Lai in.

VOV4.K’Ho- Tàm dơ̆ pơrjum dơ̆ 09, Mpồl duh broă Làng bol càr Dăk Lăk khoă X pa ring bal Jơnau lơh nền tàm pơrjum “Jơnau cih broă lơh dong kờl tai gơ wèt mờ kwang bàng, kông cưk kâp xã, viên cưk; cau lơh broă, cau lơh broă ờ lơh kơnòl broă sùm tàm kâp xã jơngkah tài bơh rơndăp tăp sèng mpồl lơh broă sră pơ àr gơnoar ătbồ kâp xã tơngai bơh nam 2023- 2030 tàm ù tiah càr Dăk Lăk.

VOV4.K'Ho- Mpồl duh broă Làng bol càr Gia Lai pa geh Jơnau lơh nền tàm pơrjum bè khà priă dong kờl kwang bàng, kông cứk, viên cứk bal mờ cau lơh broă ờ lơh tờm gơtìp jơng kah tài rơndăp tăp sèng mpồl lơh broă sră nggal kấp xã tàm tơngai bơh nam 2023 tus 2025 rơ̆p geh dong kờl uă ngan là 100 tơlăk đong tàm 1 nă.

VOV4.K’Ho- Di dơ̆ tơnkah 80 nam Ngai tơnggơs Mpồl ling klàng làng bol Việt Nam, Anih duh broă làng bol càr Dăk Lăk pa bơyai lơh tìp mat ală kwang bàng kấp dờng, kwang ling mpồl ling klàng neh jơh sơnam lơh broă, ơm rlô lơh broă.

VOV4.K’Ho- Mho òr (5/12), tàm ƀòn dờng Buôn Ma Thuột geh bơyai lơh broă lơh “Tìp mat mờ jờng rơ cau bơsram dờng jơi bơtiàn dồ ết nă cau pơn rơ jak”, càr Dăk Lăk dơ̆ 16.

VOV4.K’Ho- Poh lài, tàm dơ̆ pơrjum dơ̆ 40, Anih duh broă Lơh kơnòl broă sùm Quôk hội neh sền swì jơnau yal broă lơh làng bol kơ̆p kờñ bơh Quôk hội dê nhai 10 mờ nhai 11 nam do. Anih duh broă Lơh kơnòl broă sùm Quôk hội sồr: broă rơndăp tăp mpồl lơh broă bơh ală anih lơh broă cíñ trị dê tơrmù pal geh gùng dà broă lơh gơ in pràn ngan mờ niam rlau nàng pơn jờng, ai tơl bơta ƀươn ai mpồl kwang bàng ơm tàm mpồl rơndăp tăp sèng, tơrmù cau lơh broă sa priă nhai dà lơgar, rơndăp tăp sèng wơl mpồl kwang bàng, kông cưk, viên cưk, cau lơh broă.

VOV4.K’Ho- Càr Kon Tum geh rlau 292 kơi sồ gùng tiah nhàr lơgar Dà lơgar rềp nhàr bal mờ lơgar Lào mờ Campuchia. Mờ nùs nhơm “Pôs đồng là hìu, tiah nhàr lơgar là ƀòn lơgar, làng bol ală jơi bơtiàn là oh mi jơi nòi bal”, mpồl ling sền gàr tiah nhàr lơgar càr Kon Tum neh geh uă broă lơh pơgồp bal mờ nùs nhơm ling klàng làng bol tiah nhàr lơgar dong rài kis làng bol tàm tiah lam lài Dà lơgar dê ngai sơlơ tam gơl pa, “nùs nhơm rcang lài làng bol” sơlơ kơ̆ kơl jăp mờ kơnhăp rlau tai.

VOV4.K’Ho- Bơh 14 nam lam lơh jat, broă lơh tă tơm priă drơng broă tiah brê neh hời rơ hời cèng wơl broă lơh broă sa sùm mờ kơ̆ kơl jăp ai rlau gĭt nđờ jơ̆t hìu bơnhă làng bol tàm càr Lâm Đồng in, uă ngan là ală hìu bơnhă làng bol jơi bơtiàn dồ ết nă cau. Dờp geh bơta kwơ geh ngan bơh brê dê den bơta gĭt wă mờ geh kơnòl tàm broă lơh atbồ, sền gàr brê bơh mpồl bơtiàn tiah do dê ngai sơlơ geh bơtàu tơnguh, sền gàr geh cồng nha brê bơh tiah do dê.