VOV4.K’Ho- Mho ngai 22/12, tàm Hà Nội, Ƀộ Kwang àng mờ Tổng Liên đoàn Lao động Việt Nam bơyai lơh Pơrjum jờng rơ cau pơnrơ jak cau lơh phan, viên cưk, cau lơh broă geh cồng nha jak ngan tàm srơh jơh gùt làng bol sền gàr Lơngăp lơngai Dà lơgar tơngai bơh nam 2018- 2023.

VOV4.K’Ho- Lơh Pôs đồng tàm ù tiah xã tiah nhàr lơgar Thuận Hạnh, kơnhoàl Dăk Song, càr Dăk Nông, ală nam pa do, Pôs đồng ling sền gàr tiah nhàr lơgar Dăk Song neh pơgồp bal niam ngan mờ kấp ủy, gơnoar atbồ tiah do mờ làng bol ơm kis, lơh broă sa tàm tiah nhàr lơgar jơh nùs tus bal srơh jơh gùt làng bol sền gàr gơnoar tờm kơnhoàl ù tiah, lơngăp lơngai tàm tiah nhàr lơgar bơh Dà lơgar dê, bơt bơtàu nùs nhơm rcang lài sền gàr Dà lơgar jơh gùt làng bol kơ̆ kơl jăp.

VOV4.K'Ho- Poh lài, Pơrjum dơ̆ 28 bơh Ủy ƀan Thường vụ Quôk hội dê neh ai jơnau đơs tàm broă lơh nam 2024 bơh Ủy ƀan Thường vụ Quôk hội dê mờ ai jơnau đơs tàm jơnau yal broă lơh bơta kơp kờñ làng bol bơh Quôk hội dê nhai 10 mờ nhai 11 nam do.

VOV4.K'Ho - Drim ngai 14/12, Tỉñ ủy càr Dăk Nông bơyai lơh pơrjum tơn jơh 10 nam lam lơh rơndap broă lơh bơt bơtàu mpồl tờm ngan tàm tiah jơi bơtiàn dồ êt nă cau mờ jờng rơ ală cau pơn rơ gơguh jak.

VOV4.K’Ho- Nàng kờñ gàr tơl ring bal jơnau kờñ blơi phan mờ jơnau kờñ tăc phan, drơng broă làng bol in blơi phan, Ủy ƀan Ñân zân càr Dăk Lăk lam lơh broă lơh gàr niam giă ală bơta phan kờñ pal geh di dơ̆ lồi nam 2023 mờ dơ̆ Sa tềp Dà lơgar Giáp Thìn nam 2024.

VOV4.K’Ho-"Tơngai bơh tŭ do tus Sa tềp Dà lơgar ờ gam uă, dilah Quôk hội geh dơ̆ pơrjum nisơna den tàm poh nggùl tàm nhai 1 nam 2024. Nàng lơh mhar broă lơh rcang lài, Ủy ƀan Thường vụ Quôk hội digơlan pơrjum tai ală dơ̆ pơrjum ờ ờs mờng”.

VOV4.K'Ho - Drim ngai 12/12, Mpồl kwang bàng Quôk hội càr Gia Lai bơyai lơh Pơrjum tìp mat cau tĕ khà tơnơ̆ pơrjum dơ̆ 6, Quôk hội khoă XV tàm xã Ia Hrú, kơnhoàl Chư Pưh.

VOV4.K’Ho- Mờ kờp jơh priă bơcri rlau 408 rơbô tơmàn đong, 3 broă lơh jơnau kờn Dà lơgar geh pơn yơu bè broă lơh kwơ màng ngan pờ gùng nàng ai làng bol in lik klàs rƀah tơnơ̆ rlau 2 nam lơh jat neh lơh geh ală cồng nha niam ngan. Mơya cồng nha jat sền bơh Quôk hội dê geh yal pa do tàm pơrjum dơ̆ 6 neh sơñio loh: tus tŭ do neh lòt gan rlau nggùl gùng lòt mơya broă lơh lam lơh jat kung gam gơtìp ờ dùl ết kal ke. Uă tiah, ală Ƀộ, ngàñ, ală tiah kung gam kwi kwơ ngan, geh tŭ kwi kwơ tŭ lơh jat 3 broă lơh jơnau kờñ Dà lơgar lơh broă ai priă lơyài tŭ tơngai, halà geh tiah ơm tàm bơta geh priă mờ ờ gơtùi “ngui”, pal dan jàu wơl priă bơcri ai kes priă dà lơgar in.

VOV4.K’Ho- Bơh ngai 05 tus ngai 10 nhai 12, tàm càr Khammouan, tiah tàm gùl lơgar Lào, Mpồl git gơ̆p lơh bơyô đah lơgar Việt Nam mờ lơgar Lào ƀòn dờng Hồ Chí Minh pơgồp bal mờ Hìu bơsram Đại họk Y khoa Phạm Ngọc Thạch mờ ủy ƀan bè Cau lơgar Việt Nam kis hờ lơgar bơdìh ƀòn dờng Hồ Chí Minh dê bơyai lơh broă kham, pà sơnơm mờ pà phan ai làng bol lơgar Việt Nam bal mờ làng bol geh rài kis gơtìp kal ke tàm tiah do in.

VOV4.K'Ho- Tàm poh lài, ală càr Tây Nguyên neh bơyai lơh pơrjum Hội đồng Ñân zân lồi nam, tơrgùm sền sơ wì cồng nha lam lơh kơnòl broă bơtàu tơnguh lơh sa – mpồl bơtiàn nam 2023, gùng dà, kơnòl broă nam 2024. Jơnau yal tàm ală dơ̆ pơrjum ai gŏ gam uă kal ke, bàr, pe broă jàu bè lơh sa – mpồl bơtiàn tàm tiah do neh ờ gơtùi lơh geh jat bè broă rơndap lơh. Tàm pơrjum do, ală kwang bàng neh jơh nùs, song dơpă sền sơ wì cồng nha nam 2023, tă pơgồp jơnau đơs ai jơnau kờñ gơguh lơh sa bơh nam 2024 dê in.