VOV4.K’ho- Kòp sốt rét tàm Dak Lak gam geh ală bơta gơlik geh kal ke tu\ tàm 2 nhai bồ nam neh cih dờp 120 nă cau gơbàn kòp, uă rlau 3 dơ\ pơn ndrờm dùl tu\ mờ nam 2018. Bơta gơguh bơh kòp pà go\, neh geh bơta sền ờ sơ\p tàm broă rcang sơn dră tơnơ\ uă nam kòp sốt rét gơmù.

Piam kòp tàm khoa Nội, hìu sơnơm 333, kơnhoàl Ea Kar, càr Dak Lak, bi Đào Văn Hậu, ơm tàm thôn Thanh Sơn, xã Ea Sar, kơnhoàl Ea Kar, pà g^t, pơgap 1 poh lài bi lòt sền dă den bi\c tàm mìr dùl mang. Tài bơh ờ rcang lài, cèng wơl kơmùng sèt den sơmăc kăp. Tơnơ\ tu\ rê bơh mìr den bi Hậu kòp, sơm bời is tàm hìu 2 ngai ờ bời den hơ\ sồng mut tàm hìu sơnơm.

Tàm hìu a` gơbàn kòp tơmut dà srồm tàm anih tăc sơnơm hơ\ sồng ai sơnơm hùc, bàr pe ngai den gơ wơl kòp tai, tơmut tai 2 khàr dà srồm, oh rơngòt kòp gơ wơl tai den tus hìu sơnơm 333 do.

Kuang bàng lơh sơnơm Dak Lak pà kơmùng mờ mbàng yal bè kòp sốt rét ai làng bol in 

Rềp jơnờng b^c bơh bơh bi Hậu là bi Hồ A Sinh, ơm tàm thôn Giang Đông, xã Ea Đah, kơnhoàl Krông Năng, gam glar ngan tài kòp sốt rết. Bi Hồ A Vi, bi klau bơh Hồ A Sinh dê pà g^t, 2 nhai lài tơnơ\ dơ\ mut tàm brê ai lòng den gơtìp kòp sốt rét, rê  bơh hìu sơnơm ờ hềt jo\, tu\ do den pal mut wơl tàm hìu sơnơm nàng sền gròi oh klau:

Pơgap mờ do 2 nhai a` gơbàn kòp, hìu bơnhă geh jun tus hìu sơnơm, tu\ do  tus oh klau kung gơbàn kòp wơl tai, gùt dar hìu bơnhă a` geh uă ngan cau kòp bè do.

Kơnhoàl Ea Kar tu\ do là tiah geh khà cau kòp sốt rét uă ngan rlau jơh tàm càr Dak Lak mờ 57 nă cau, tơrgùm tàm 2 xã là Ea Sar mờ Ea Sô mờ 40 nă cau. Jat Bác sĩ Nguyễn Thị Kim Thành, trưởng khoa Nội tổng hợp hìu sơnơm 333, tơngai bơh sơn rờp bơh kòp sốt rét buơn ngan tồn là kòp nggù bè ờs den sùm sơm kòp tàm hìu, ờ bời den hơ\ sồng tus hìu sơnơm, tàm bơta kòp neh duh să uă.

Bơh bồ nam tus tu\ do mìng is khoa nội bol a` neh dờp geh 25 nă cau kòp sốt rét. 25 nă cau do mut tàm hìu sơnơm ndrờm tàm bơta kòp duh să uă, ală tềl tơngo\ kòp sốt rét mpờl go\ ngan, xét nghiệm mhàm den geh ký sinh trùng sốt rét. Bol a` ndrờm sơm kòp jat broă lơh bơh Bộ y tế dê ai. Cồng nha sơm bời kòp den jơh bal  cau kòp ndrờm rơ hời pràn, xét nghiệm mhàm dơ\ 2 ndrờm ờ geh kòp sốt rét tai, ờ geh cau lơi gơtìp kòp jroă.

Cau kòp Hồ A Sinh gam geh bác sĩ sơm kòp

 Jat khà kờp bơh gah lơh sơnơm Dak Lak dê yal, tus jơh nhai 2 nam do, tàm càr Dak Lak nehgeh 120 nă cau gơbàn kòp sốt rét,  gơguh mờr 3 dơ\ pơn drờm dùl tu\ bal mờ nam lài. Cau gơbàn kòp uă ngan tàm cau klau, mpồl sơnam ơruh pơnu, cau neh nggùl să. Do là ală cau sùm lòt tàm brê, bi\c tàm mìr, ơm tàm ală tiah geh kòp sốt rét.

 Ồng Hoàng Hải Phúc, Giám đốc Trung tâm Rcang sơn dră kòp sốt rét – Ký sinh trùng – Côn trùng càr Dak Lak pà g^t, ală broă lơh rcang sơn dră kòp sốt rét gam geh lơh pràn tàm jơh ală tiah, ngan là tàm ală kơnhoàl geh kòp, kơryan uă ngan rlau jơh ală cau gơbàn kòp sốt rét ác tính.

 Trung tâm rcang sơn dră kòp sốt rét mờ ký sinh trùng càr Dak Lak neh dan mờ Sở Y tế geh sồr mờ sră nggal lài mờ tơnơ\ dơ\ sa tềp ai làng bol in, kuơ màng là kơnhoàl geh khà kòp sốt rét gơguh uă sơlơ tơnguh broă rcang sơn dră mờ kòp sốt rét nàng làng bol g^t wă bè broă rcang sơn dră mờ kòp sốt rét. Kung bè tu\ geh tềl tơngo\ bè kòp duh să pal tus tàm hìu sơnơm nàng kham mờ sơm bời kòp tơn. Mơkung sồr ală hìu sơnơm dờng tàm ală kơnhoàl sùm pal rcang lài tu\ geh cau kòp sốt rét pal lơh ngan sơm kòp, rcang kơryan ờ lời cau kòp sốt rét gơ lik gơs kòp kơn jơ\.

Ală bam pa do, broă rcang sơn dră kòp sốt rét bơh càr Dak Lak neh lơh geh jơnau kờ` bè tơrmù khà cau gơbàn kòp, cau chơ\t mờ tiah kòp sốt rét gam gơdram, ală khà cau kòp sốt rét g^t go\ pah nam kung gam ơm tàm khà uă ngan tàm tiah do mờ tàm lơgar. Mơya, làng bol tàm càr kung sơn đờm sền ờ sơ\p, lòt tàm brê, bi\c tàm mìr ờ cèng bal kơmùng, ơm tà tiah kòp sốt rét gam geh uă mơya ờ ngui kơmùng tram mờ dà sơnơm gơsơ\t sơmăc mờ gah lơh sơnơm neh ai. Bơta sền ờ sơ\p do geh ờ gam tai, den kòp sốt rét hơ\ sồng digơlan ngan ngồn geh kơryan.

Cau mblàng K’ Hạnh