VOV4.K’Ho- Ƀộ Cíñ trị jào ồng Tô Lâm, Kwang geh jơng tàm Ƀộ Cíñ trị, Củ tịc lơgar đơng lam broă lơh bơh Mpồl duh broă Đảng Dà lơgar, Ƀộ Cíñ trị, Ƀan Ƀí thư dê jăt kơnòl broă, gơnoar broă geh Ƀộ Cíñ trị ai.

VOV4.K'Ho - Mho ngai 17/7, tàm Hìu lơh broă Củ tịc, Củ tịc lơgar ồng Tô Lâm neh wă ồng Hùng Ba- Kwang atbồ Anih lơh broă ala mat lơgar Lo tàm lơgar Việt Nam tus tơngac di tơn jơh tơngai lơh broă tàm lơgar Việt Nam.

VOV4.K'Ho - Wèt tus tơngkah 80 nam Ngai crơng gơs Ling klàng làng bol Việt Nam, 35 nam Ngai chờ sền gàr dà lơgar jơh gùt làng bol, drim ngai 17/7, Củ tịc Quôk hội ồng Trần Thanh Mẫn còp mờ lơh broă mờ Quân khu 3.

VOV4.K'Ho - Jat cồng nha bơh Ƀộ Bơto bơtê mờ bơsram dê yal drim ngai 17/7, càr Dăk Lăk geh rlau 19 rbô 800 nă kơnòm pơrlòng gơ kờn pơrlòng jơh bơsram kâp 3 nam 2024, geh 98,31%.

VOV4.K’Ho- Mho ngai 17/07, tàm Hìu duh broă Cíñ phủ, Thủ tướng ồng Phạm Minh Chính wă rò ồng Thomas Vallely, Kwang atbồ lài do Broă lơh lơgar Việt Nam dê gơwèt Hìu bơsram Đại họk Harvard lơgar Mỹ, tŭ do là Củ tịc Mpồl duh broă Pin dờn jàu kơnòl Hìu bơsram Đại họk Fulbright mờ ală cau gĭt wă jrô tàm broă lơh Hìu bơsram Đại họk Fulbright dê.

VOV4.K’Ho- Drim ngai 17/07, Củ tịc Quôk hội ồng Trần Thanh Mẫn tus bal sơnđờm mut pơrjum dơ̆ 18, Mpồl duh broă làng bol ƀòn dờng Hải Phòng khŏa XVI, tơngai lơh broă bơh nam 2021-2026.

VOV4.K’Ho- Drim ngai 17/07, Ƀộ trưởng Ƀộ Gùng lòt- Jun pơndiang phan ồng Nguyễn Văn Thắng lơh dơ̆ lòt sền tŭ tơngai lơh rơndăp broă lơh gùng rơndeh lòt mhar gơwèt ù tiah Quảng Bình mờ Quảng Trị.

VOV4.K'Ho - Nggùl nhai 6 pa do, Anih jơnau đơs Việt Nam neh pơn đàng 3 jơnau cih bè gùng rơndeh nroat mhar lòt ală tiah tàm Tây Nguyên bơh Mpồl cau cih ƀău Anih lơh broă sùm tiah Tây Nguyên dê lơh. Ròt ală jơnau cih bè đơs tus bơta gơ kòl dờng ngan rlau jơh tàm bơtàu tơnguh lơh sa, mpồl bơtiàn bơh tiah do dê tŭ do là phan bơna gùng lòt ờ hềt tơl. Mờ kung đơs bơta kơp kờñ bơh gơnoar atbồ mờ làng bol ală jơi bơtiàn tàm tiah do dê bè broă sền sơ wì, kơlôi sơnơng bơcri priă lơh niam phan bơna gùng lòt, ngan là gờñ bơcri priă lơh ală gùng rơndeh ntoat mhar.

VOV4.K’Ho- Gah sền gàr mờ tam brê càr Dăk Lăk gam tơrgùm lơh pràn broă tam brê tàm kàl mìu mờ jơnau kờñ tam pa 1 rơbô 800 lồ brê.

VOV4.K’Ho- Ngai òr (16/07), Anih duh broă làng bol càr Lâm Đồng geh sră nggal jal mhar sồr ală anih lơh broă, mpồl lơh broă tàm càr mờ ală kơnhoàl, ƀòn dờng tàm càr dê mhar lơh jăt ală broă rơcang sơndră mờ me mrềt bal mờ mìu dờng. Lơh ngan ntrờn làng bol lik bơdìh tiah ngòt rơngơ̆t di gơlan gơtìp tơrlah ù, dà cò.