VOV4.K’Ho- Bè neh đơs tàm jơnau cih dơ̆ 01, Tây Nguyên geh uă bơta ƀuơn, uă bơta pràn mơya kung gam lơyài bơtàu tơnguh tài bơh bơta gơkòl bè bơt bơtàu phan bơna. Pơn jat tai jơnau cih “Gùng lòt mhar ală tiah mờ kơ̆p kơnờm gơguh mhar ai Tây Nguyên in”, tàm jơnau đơs ngai do, bol añ đơs tus bơta kờñ pal geh, ală bơta kơ̆p kờñ mờ bơta kwơ dờng bơh ală gơl gùng rơndeh lòt mhar dê rơ̆p cèng wơl ai ală càr tàm tiah do in bơh tàm jơnau cih “Tây Nguyên kơ̆p kờñ ngan gùng rơndeh lòt mhar”.

VOV4.K'Ho- Di Tơnkah 99 nam Ngai Sră ƀău kac màng Việt Nam, drim òr (17/06), Kwang atbồ Ƀan Tuyên giáo dà lơgar ồng Nguyễn Trọng Nghĩa neh lòt còp mờ nting bơr gờm chờ Anih yal tơngit jơnau đơs Việt Nam, Ƀău Ñân zân mờ Sră ƀău Kộng sản

VOV4.K'Ho- Mho òr (16/06), Kwang geh jơng tàm Ƀộ Cíñ trị, Thủ tướng Cíñ phủ ồng Phạm Minh Chính, Củ tịc Ủy ƀan dà lơgar bè tam gơl sồ neh tus bal Pơrjum yal tơnggit broă lơh tam gơl sồ geh cồng nha kâp ƀộ, gah broă lơh bơh gah Anih cah rơña dê.

VOV4.K'Ho- Mang ngai 14/6, tàm kơnhoàl Ia Grai, càr Gia Lai gơlik geh càl pồt pràn bal mờ hìu dờng, neh lơh pồ rơkàng 22 nơm hìu làng bol mờ lơh hoàc huơr bàr, pe bă ù tam sầu riêng, kau su, điều.

VOV4.K’Ho- Gah đơng lam Mpồl ling klàng càr Dăk Lăk pa bơyai lơh dơ̆ lam lơh tàm pơrlòng uă gờm chờ Pơrjum dờng tàm pơrlòng jơh nùs lơh geh cồng nha, tơngai bơh nam 2019 - 2024 mờ tơngume “30 ngai lơh broă lam lài - tàm pơrlòng ai geh 3 cồng nha jơnhoa ngan”.

VOV4.K’Ho- Tây Nguyên - ù tiah geh uă, bơta pràn, tiah geh uă bơta ƀươn, tiah geh uă ù tiah tiơng pơnrơ niam, lòt nhơl; tiah lơh geh ală bơta phan bơh suơn sre tăc mờ lơgar bơdìh tờm ngan geh priă git nđờ tơmàn dolar Mỹ bè kơphe, kao su, gar điều, tiêu… Bè hơ̆ mơya, do kung gam là tiah lơyài tàm broă bơtàu tơnguh lơh sa mờ tiah gơkòl là phan bơna gùng lòt. Gùng rơndeh ntoăt jờl tàm tơrbŏ tàm dơlam is tiah do mờ tơrbŏ bal mờ ală tiah ndai geh kơ̆p gơn là bơta tờm tă bơsong nàng Tây Nguyên in tơnguh pràn bơtàu tơnguh.

VOV4.K’Ho- Drim òr (14/06), Thủ tướng ồng Phạm Minh Chính đơng lam dơ̆ pơrjum Mpồl đơng lam ală broă lơh, rơndăp broă lơh kwơ màng dà lơgar, broă lơh tờm gah gùng lòt pơn diang phan.

VOV4.K'Ho - Ủy ƀan Ñân zân càr Dăk Nông pa geh jơnau sồr anih lơh broă geh gơnoar mờ gơnoar atbồ càr tơrmù ƀà ală dơ̆ pơrjum ờ kuơmàng, tơrgùm kờp sền ngan ngồn, bơ tơl ală broă rơndap lơh bơsong bơta trồ tiah lơh aniai nisơna bồ kàl mìu.

VOV4.K'Ho - Drim ngai 14/6, Ủy ƀan Ñân zân càr Dăk Lăk bơyai lơh jàu Khà jờng sră ƀău càr Dăk Lăk nam 2023. Mpồl duh broă Khà jờng sră ƀău càr Dăk Lăk neh jàu khà jờng ai 55 jơnau sră ƀău niam ngan tàm 5 bơta. Anih lơh broă sùm tiah Tây Nguyên – Anih jơnau đơs Việt Nam geh 5 khà jờng tàm bơta pờ tơlik jơnau đơs, tàm hơ̆ geh 1 khà A.

VOV4.K’Ho- Ngai 13/06, tàm Hìu Quôk hội, Củ tịc Quôk hội ồng Trần Thanh Mẫn wă rò mpồl kwang ătbồ anih lơh broă ala măt lơgar, kwang bàng cribơyai broă mờ lơgar ndai ală lơgar Asean mờ Timor-Leste tàm Hà Nội.