Tàm dơ̆ pơrjum, ală cau ala măt neh cri bơyai, pơgồp jơnau đơs bè ală broă bè: Crơng gơs ală Jơnum broă mờng lơh nàng sền git nền cồng nha sền wơl; jơnau digơlan, bơnah ngui AI tàm broă sền wơl, broă bơyai lơh, pơgồp jơnau đơs ală mpồl, tơrgùm ală mpồl, mpồl lơh sa kă bro…

Jơnau đơs pơn dŭt dơ̆ pơrjum, Phó Thủ tướng ồng Lê Tiến Châu đơs niam broă tus bal bơh ală ƀộ, gah lơh broă, ală càr ƀòn dờng mờ dờp ală cồng nha lài ngan mờ broă sền wơl jơh neh lơh geh. Mờ Phó Thủ tướng bơto sồr, đơs lah ờ uă ƀộ, gah lơh broă, càr ƀòn dờng gam ờ pràn tàm broă lơh jăt di nùs nhơm sồr bơh Ƀộ Cíñ trị dê. Phó Thủ tướng sồr ală ƀộ, gah lơh broă, anih lơh broă, càr, ƀòn dờng ai lài bơta pràn, tơrgùm lơh jăt tơngai sồr lơh jăt ală sền wơl jơh ală sră pơ àr gơrềng tus adăt boh lam. Tàm hơ̆ sền kwơ tàm broă pơgồp jơnau đơs bơh làng bol, mpồl lơh sa kă bro, ală cau gơtìp gơrềng bơh ală broă lơh sră pơ-àr dê.