Cơldŭ lơh broă Quôk hội pà git, Dar pơrjum dơ̆ 2 bơh Anih duh broă Lơh kơnòl broă sùm Quôk hội geh lơh tàm drim ngai 11/5, tàm cơldŭ pơrjum Tân Trào, hìu lơh broă Quôk hội. Củ tịc Quôk hội ồng Trần Thanh Mẫn đơs sơn đờm mut pơrjum mờ bal mờ ală Phó Củ tịc Quôk hội tàm pơdar đơng lam tơngume dar pơrjum dê.

Tàm dar pơrjum do, Anih duh broă Lơh kơnòl broă sùm Quôk hội rơp sền swì, ring bal kơrnuat boh lam tam gơl, bơtơl bàr pe bơta bơh Kơrnuat boh lam tơrgùm dùl sră nggal pơlam lơh jat jơnau cih adat boh lam. Bè broă lơh jat sền, Anih duh broă Lơh kơnòl broă sùm Quôk hội rơp sền swì jơnau yal broă lơh bơta kơp kờñ làng bol bơh Quôk hội dê nhai 3 mờ nhai 4 nam 2026. Tàm dar pơrjum, Anih duh broă Lơh kơnòl broă sùm Quôk hội rơp tơn jơh dơ̆ pơrjum dơ̆ Dùl mờ ai jơnau đơs bơh chờm bè broă rơcang Dơ̆ pơrjum dơ̆ 2, Quôk hội khoă XVI.