Tus bal geh kwang bàng đơng lam, kwang đơng lam lài do càr dê bal mờ gal kwang bàng, làng bol ală sàh Văn Hoà, Sơn Hoà mờ Tuy An Nam.

Tàm pơrjum, ală cau ala măt neh yal wơl rài kis, broă lơh bal mờ broă lơh dờng màng bơh Củ tịc Hồ Chí Minh dê gơwèt mờ broă tơnklàs jơi bơtiàn; mờ đơs nền lơh ngan bơ̆t bơtàu Đảng ƀộ kloh niam, pràn kơl dang, lơh pràn bơtàu tơnguh lơh sa mpồl bơtiàn mhar mờ kơl jăp. Tơnơ̆ dơ̆ chu ñàng, ală cau ala măt neh tus bal tam chi lời kir, lòt sền anih ràng tơlik rùp bè rài kis, broă lơh bơh Củ tịc Hồ Chí Minh dê tàm tiah tềl kah yau Hìu duh khoai Wa Hồ. Di tàm dơ̆ do gam geh bơyai lơh uă broă lơh niam chài, đơs crih tamya, rê hờ rài lài do drơng làng bol in sền.