Do là tơngume geh uă cau ala mat tơrgùm mblàng lơh loh tàm pơrjum cribơyai jak chài kâp càr bơh Hìu bơsram Cíñ trị càr Dăk Lăk bơyai lơh drim ngai 27/5. Tơnơ̆ rơndap tap sèng, gùt càr gơmù bơh 184 gam 102 mpồl lơh broă sră pơ àr gơnoar atbồ kâp sàh, mờ kung uă kơnòl broă bơh kâp kơnhoà geh ntrờn tơn tus kâp hơ đơm in. Bulah bè hơ̆, khà bơsong sră pơ àr gơnoar atbồ di tơngai pơrgon kung gam geh rlau 97%, rlau 83% sră nggal geh bơsong tàm internet. Uă jơnau đơs đơs là kâp sàh gam ờ tơl kwang bàng mờng chài tàm ală gah priă jền, ù tiah, bơcri priă, măi mok yal tơnggit jơnau. Phó Lam bồ Mpồl dròng mìng kơnòl Mpồl cau ala mat Quôk hộic àr mò Nguyễn Thị Thu Nguyệt dan gờñ geh gùng dà dong kờl dipal nàng gàr kwang bàng mờ gơ hòi gơ jà kwang bàng geh bơta niam uă tàm kâp hơđơm.