Jat tơngume kĭ hơ, ală gah rơp pơgồp bal lam lơh uă broă lơh tờm bè bơtàu tơnguh phan bơna sồ, măi mok atbồ mờ anih yal tơnggit jơnau gah bơto bơtê mờ bơsram; ngui bồ tơngoh jak kòn bơnus lơh gơs (AI); anih yal tơnggit jơnau dờng (Big Data) tàm atbồ, bơto bơtê; bơtàu tơnguh sră nggal bơto bơtê sồ, bơto bơsram tàm internet, broă lơh bơto bơtê ngac ngar.

Rlau 350 nă kwang bàng, pơgru tờm tàm càr Dăk Lăk neh geh bơto pơlam bè AI mờ mblàng lơh loh yal tơnggit jơnau; rlau 1 rbô 500 nă pơgru, kơnòm bơsram geh mblàng yal bè niam chài tơm boh bơr mờ tam gơl sồ tàm hìu bơsram. Jat ồng Lưu Tiến Quang, Phó Kwang lam bồ Sờh Bơto bơtê mờ Bơsram càr Dăk Lăk, broă kĭ lơh broă bal nàng kờñ ngui niam bơta pràn bơh ală gah dê, lam lơh tam gơl sồ tơl làm tàm gah Bơto bơsram, pơgồp bơnah lơh pa broă lơh atbồ, bơt bơtàu hìu bơsram sồ, lơh jat jơnau sồr tam gơl pa bơto bơsram tàm tơngai tŭ do.